Икки кыра оҕо ууга былдьаннылар

Горнай уонна Өймөкөөн улуустарыгар икки кыра оҕо ууга былдьаннылар. Билиҥҥитэ силиэстийэлээччилэр оҕолор өлүүлэрин биричиинэтин быһаараллар диэн СИА суруйар. 

Ол курдук, бэс ыйын 21 күнүгэр Өймөкөөҥҥө чааһынай дьиэ тиэргэнигэр баар ууга икки саастаах уол оҕо өлүгүн булбуттар. Оҕо оонньуу сылдьан быстах кэмҥэ көрүүтэ суох хаалбыт эбит.

Онтон бэс ыйын 22 күнүгэр Горнай Бэрдьигэстээҕэр 8 саастаах уол доҕотторун кытары өрүс кытыытыгар оонньуу сылдьыбыт. Кини ууга түспүт мээчиги ылаары өрүскэ киирэн баран кыайан тахсыбатах.

СӨ силиэстийэлиир кэмитиэтэ оҕолоргутун кыраҕытык кэтии, көрө-истэ сылдьын диэн этэллэр.