Икки массыына умайда

Массыына умайыыта кэлиҥҥи кэмҥэ элбээтэ. Ааспыт суукка иһигэр икки оннук түбэлтэ таҕыста.

ЫБММ Саха сиринээҕи салаата иһитиннэрбитинэн, алтынньы 2 күнүгэр  12:03  чааска Дьокуускай куорат баһаарынай-быыһыыр сулууспатыгар Горькай уул.  «Тойота Платц» массыына умайан эрэрин туһунан суһал иһитиннэрии киирбит. 6 мүнүүтэнэн  баһаарынайдар тиийбиттэр.

«Тойота Платц» аттыгар турбут «Ниссан Санни» массыына  эмиэ умайбыт.

Барыллааһын быһыытынан быһаарыллыбыта, массыына мотуоругар электроситимнэргэ самыкаанньа тахсыбыт.