Икки оҕо эт-хаан эчэйиитин ылан балыыһаҕа киирдэ
![](https://sakha-sire.ru/wp-content/uploads/2023/02/6q5a7876-900x596.jpg)
Ааспыт сууккаҕа өрөспүүбүлүкэҕэ 5 буруйу оҥоруу бэлиэтэннэ. Бу туһунан СӨ Борокуратуурата иһитиннэрэр.
Ньурба улууһун Ньурба куоратыгар киһини халаатылар. Оттон Дьокуускай куорат олохтооҕуттан Киин баан үлэһиттэрэбит диэн түөкүннээн, 107 тыһ. солк. суумалаах үбүн-харчытын уорбуттарын туһунан үҥсүү киирдэ.
Өлүөхүмэ улууһугар күлүгээннээһин туһунан уонна Дьокуускай куоракка Кулаковскай аатынан уулуссаҕа турар быраҕыллыбыт дьиэ үрдүттэн сууллан, 2007 с.т. обургу оҕо балыыһаҕа киирбитин туһунан иһитиннэрдилэр.
Суукка иһигэр 5 баһаар тахсыбыта бэлиэтэннэ, киһи эчэйиитэ уонна өлүүтэ суох.
Дьокуускай куоракка Каландаришвили уонна Чайковскай уулуссалар быһа охсуһууларыгар «Пежо» мааркалаах массыынаны ыытан испит киһи 2014 с.т. оҕону түҥнэри көттө. Оҕо эт-хаан эчэйиитин ылан балыыһаҕа киирдэ.
Сообщить об опечатке
Текст, который будет отправлен нашим редакторам: