Хаартыска: sakha.gov.ru ылылынна
Саха сиригэр ааспыт сууккаҕа икки ойуур баһаара умуруорулунна, биэс баһаар бохсулунна.
Мииринэй уонна Мэҥэ Хаҥалас улуустарыгар ааспыт сууккаҕа уопсайа 5,5 га иэннээх сири хаппыт икки ойуур баһаарын умулларбыттар. Горнай, Өлүөхүмэ, Ленскэй улуустарыгар уопсайа 15 413 га иэннээх сири хаппыт биэс ойуур баһаара бохсуллубут.
Бу туһунан СӨ экологияҕа, айылҕаны туһаныыга уонна ойуур хаһаайыстыбатыгар миниистири солбуйааччы Андрей Коноплев иһитиннэрдэ.
Маны таһынан, эбии сэттэ ойуур баһаара булуллубут. Өрөспүүбүлүкэ сиригэр-уотугар бүгүн сарсыардааҥҥы иһитиннэриинэн 93 ойуур баһаара баара бэлиэтэнэр. Уоту 1791 киһи умуруорар, уопсайа 159 тиэхиньикэни туһаналлар.
—-Бүгүн уу кутар тэриллээх икки Бе-200 салгын аала уонна Ми-8 бөртөлүөт Үөһээ Бүлүү улууһугар үлэлииллэр. Зондировщик салгын ааллара бэҕэһээ Абый улууһугар үлэлээбиттэрэ, — диэн этэр Андрей Коноплев.
Өрөспүүбүлүкэ сиригэр-уотугар эрэгийиэннээҕи уонна федеральнай таһымнаах ыксаллаах быһыы-майгы эрэсиимнэрэ салҕаналлар. Аҕыс улууска муниципальнай таһымнаах ыксаллаах быһыы-майгы эрэсиимэ салҕанар.
Өрөспүүбүлүкэтээҕи «Сахамедиа» медиа-кииҥҥэ «Дыгын оонньууларын» сэрэбиэйин ыыттылар Ааттаах-суоллаах турнир бары 16 кыттааччыта успуорт көрүҥнэринэн сэрэбиэй…
"Орто дойду" зоопаркаҕа Саргуля уонна Илюша диэн ааттаах бизоннарга тыһы ньирэй төрөөтө. Зоопарка салалтата бизон…
Дьокуускайдааҕы полиция 2 №-дээх отделын дьуһуурунай чааһыгар дьахтар 108 тыһ. солк. харчыта уоруллубутун туһунан тыллаабыт.…
Бэс ыйын 26 күнүттэн 28 күнүгэр диэри Дьокуускайга Астана куорат култууратын күннэрэ ыытыллыахтара. Бу тэрээһин…
Быраастар мэдиссиинэ көрүүтүн эбэтэр диспансеризация кэмигэр суоппарга тимир көлөнү салайыыга бобор-хаайар ыарыыны буллахтарына, ГАИ иниспиэктэрэ…
ИДьМ сулууспатын Хаҥалас улууһунааҕы отделын дьуһуурунай чааһыгар олохтоох киһи 17 тыһ.солк. кэриҥэ сыаналаах бензопилата уоруллубутун…