Хаартыска: Альбина Ноговицына тиксэриитэ
Кэбээйи улууһун Ньидьили нэһилиэгэр «Олоҥхо дьиэлэрин ситимэ» диэн СӨ Ил Дархана Айсен Николаев ыйааҕынан 2022 сыл бэс ыйын 22 күнүттэн Андрей Борисов аатынан «Тускул» культура сайдыытын киинэ «Кэбээйи улууһугар Олоҥхо дьиэтэ» ааты ылбыта.
Олоҥхо дэкээдэтин чэрчитинэн нэһилиэкпитигэр тэрилтэлэринэн элбэх култуурунай тэрээһиннэр ыытылла тураллар. Сэтинньи 29-30 күннэригэр биир дойдулаахпыт Федот Семенович Семенов — Кырса Сөдүөт «Биэ уола Бэлбэлдьийэ тулаайах» олоҥхотун улахан дьоҥҥо, оҕолорго эмиэ Мария Петровна Эверстова-Обутова «Дьурайаан Бэргэн» үс хартыыналаах олоҥхо-пьесатын туруордубут.
Олоҥхолорго фольклор, тыйаатыр кыраайы үөрэтии куруһуоктарын иитиллээччилэрэ, оскуола 5- 11-с кылааһын оҕолоро сүүмэрдэнэн уонна нэһилиэкпит талааннаах дьонноро көхтөөхтүк кытыннылар. Олоҥхо киинэ буолуоҕуттан ыла маннык улахан туруоруу буола илигэ. Бары кыттааччылар долгуйдубут да, үөрдүбүт да.
Бу олоҥхолору туруорууга биэс күн устата биһиэхэ күүс-көмө буолбут режиссердардарга Арктическай институт преподавателэ Cветлана Семеновна Яковлеваҕа, бу институт устудьуоннарыгар Александр Зыковка, Сандал Прокопьевка, Назар Филипповка, нарын-намчы хореограф кыргыттарга Сахая Саввиноваҕа, Уйгууна Васильеваҕа, сахалыы төрүт инструменнарбытыгар — хомуска, кырыымпаҕа оонньооннор, тыыннаахтыы илэ кэриэтэ араас кыыл-сүөл саҥатын үтүктэн таһааран испэктээктэри өссө киэргэппиттэригэр, көрөөччүлэри сэргэхсиппиттэригэр барҕа махталбытын тиэрдэбит. Өссө да бу курдук, айа-тута, саха норуотун уус-уран тылын- өһүн, фольклорун сайыннара сылдьыҥ.
Альбина Ноговицына
Хаартыскалар ааптар тиксэриилэрэ
Дьокуускай куорат полициятын 3-с нүөмэрдээх салаатын учаастактааҕы боломуочунайдара Уус Алдан улууһуттан төрүттээх, урут сууттана сылдьыбыт…
Сахалар төрүт итэҕэлбитинэн, таҥха кэмигэр чуумпутук, сэмэйдик сылдьыахтаахпыт. Ол эрээри, тугу гыныахтаахпытын сиһилии билбэппит. Таҥха…
Бу тэрээһиҥҥэ араас тэрилтэлэр салайааччылара, исписэлиистэрэ уонна анал байыаннай дьайыы кыттыылаахтарын дьиэ кэргэттэрин кыһалҕаларын кытта…
Оскуола саастаах оҕо улахан киһи курдук күҥҥэ үстэ аһыырынан муҥурдаммат. Кини оскуолаҕа сылдьан остолобуойга, чугастыы…
Үөрэҕи уонна билими кэтээн көрөр федеральнай сулууспа иһитиннэрэринэн, оскуоланы бүтэрээччилэр олунньу 1 күнүгэр диэри биир…
Дьокуускайдааҕы полиция 4-с нүөмэрдээх отделын дьуһуурунай чааһыгар биир олохтоох дьахтартан төлөпүөнүн уордарбытын туһунан сайабылыанньа киирбит.…