Хаартыска sakha.gov.ru ылылынна
Быйылгы сылга Арктика өссө биэс оройуона эргиэн-логистика кииннэниэ. Оттон кулун тутарга Аллараа Халымаҕа Черскэйгэ уонна Үөһээ Халымаҕа Зырянкаҕа баар буоллулар.
Ил Дархан Айсен Николаев сорудаҕынан, 2025 сыл бүтүөр диэри өрөспүүбүлүкэ бары арктическай улуустарыгар эргиэн-логистика кииннэрэ былааннанар. Маннык кииннэр баар буоллахтарына, аһы-үөлү хаһаанар уонна тырааныспар ороскуотун намтатар кыах улаатар.
«РФ Уһук Илини сайыннарыы министиэристибэтин өйөбүлүнэн биһиги өрөспүүбүлүкэбит 13 арктическай оройуонугар эргиэн-логистика кииннэрэ тэриллэллэр. Кииннэри тутуу үлэтэ салҕанар. Маны сэргэ, кииннэр баар оройуоннарыгар сыананы тутуу хонтуруолланар кыахтанар«, — диэн Ил Дархан этэн турар.
Билигин Орто Халымаҕа, Эдьигээҥҥэ уонна Булуҥ оройуонугар Тиксиигэ тутар-монтажтыыр үлэлэр салҕаналлар. Онно 2023 сыл бүтүөр диэри эргиэн-логистика кииннэрин үлэҕэ киллэриэхтээхтэр.
Маны сэргэ, быйыл Аллайыахаҕа, Муомаҕа, Өлөөҥҥө уонна Эбээн Бытантайга итинник кииннэри тутарга матырыйааллары тиэрдиэхтэрэ.
СӨ Ил Дарханын уонна Бырабыыталыстыбатын пресс-сулууспата
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…