Икки паром сылдьар

Өлүөнэ өрүһү туоратар сүрүн паромнар салгыы үлэлииллэр. Алтынньы 31 күнүнээҕи туругунан, «Дьокуускай-Аллараа Бэстээх» хайысханан буксирынан арыалламмыт икки  паром  үлэтин салгыыр.

Паромнар массыыналар ахсааннара мунньуллан, туоллахтарына, айанныыллар. Күн-дьыл туруга мөлтөөбүтүттэн көрөн, мантан кэлэр күннэргэ паром сырыыта тохтотуллуон сөп.

Паром сырыыта сабыллыбытын кэннэ, «Жатай-Төхтүр» хайысханан мууһу солуур суудуналар суолларынан сылдьыахтара.

Алтынньы 16 күнүттэн «Хивус» салгын олбохтоох ааллар сылдьан саҕалаабыттара. 204-с түөлбэҕэ баар «Намыв» ыстаансыйаттан хоҥноллор. Пассажирдары тиэйиигэ 20-чэ суудуна үлэлиир, ол мууһунан бүрүллэн эрэр кытаанах усулуобуйаҕа өрүһү туораан, айанныыр кыаҕы биэрэр диэн СИА суруйар.