Икки саастаах оҕо итии ууга буһан балыыһаҕа киирдэ

Ааспыт сууккаҕа өрөспүүбүлүкэҕэ буруйу оҥоруу биэс түбэлтэтэ бэлиэтэннэ, бу иһитиннэриилэринэн процессуальнай бэрэбиэркэлэр ыытылыннылар, холуобунай дьыалалары борокуратуура хонтуруоллуур.

Бу туһунан СӨ Борокуратуурата иһитиннэрэр.

Ленскэй куоракка түөкүннээһин туһунан үҥсүү киирбит, онно доруобуйа харыстабылын тэрилтэтин үлэһитин албыннаан 3,4 мөлүйүөнтэн тахса солкуобайын уорбуттар (исхиэмэтэ – “ФСБ үлэһитэ” төлөппүөннээбит). Оттон Нерюнгри куоракка массыынаны уорбуттар, уорбаланааччы быһаарыллыбыт. Дьокуускайга маркировката суох электроннай сигареталары уонна онно кутуллар убаҕастары харайан турбуттарын тохтоттулар.

Өрөспүүбүлүкэ киин куоратыгар итирик туруктаах сылдьан хас да төгүл массыынаны ыыппыттара уонна массыына кузовун нүөмэрин сымыйанан оҥорбуттара биллэн дьыала тэрилиннэ.

Өлөөн улууһун Өлөөн сэлиэнньэтиттэн 80 км тэйиччи сытар өрүстэн 1959 с.т. киһи өлүгэ булулунна, кини снегоходунан мууһунан айаннаан иһэн ууга түспүт.

Дьокуускай куоракка 2022 с.т. оҕо итии уулаах чаанньыгы бэйэтигэр тардынан этин-сиинин эчэтэн балыыһаҕа киирдэ.

Бу сууккаҕа суолга киһи өлүүлээх быһылаан бэлиэтэммэтэ. Суукка устата 5 суоппар итирик туруктаах сылдьан тырааныспарынан айаннааннар тутулуннулар.