Хаартыска Ил Дархан Телеграмм-ханаалыттан
Биһиги баһаарынайдарбыт Саха сирин ойуурдарыгар уоту кытары туруулаһан охсуһаллар. Уот умуруорууга икки сүүстэн тахса «Авиалесоохрана» уонна «Якутлесресурс» тэрилтэлэр үлэһиттэрэ үлэлииллэр.
Бүгүн сарсыардааҥы туругунан, өрөспүүбүлүкэҕэ 47 ойуур баһаара турбута бэлиэтэммит. Уот сүрүннээн Томпо уонна Дьааҥы улуустарыгар – 28 баһаар баара бэлиэтэннэ. Билигин сүрүн күүстэр ону бохсууга уонна умуруорууга ууруллаллар. Ойуур уопсайа 22 тыһыынча гектардаах иэннээх сири сиэтэ. Ааспыт сыл баччаларын ылан көрдөххө, Саха сиригэр мөлүйүөнтэн тахса гектар уопсай иэннээх 123 баһаар баар бэлиэтэммитэ.
Кэлэр күннэргэ күн-дьыл туруга соччото суоҕа билгэлэнэр. Куйаас уонна кураанах күн-дьыл күүтүллэр диэн Ил Дархан Айсен Николаев бэйэтин телеграмм-ханаалыгар иһитиннэрэр. Профильнай структураларга толору бэлэмнэниини хааччыйарга, кэтээн көрүүнү күүһүрдэргэ уонна бары сэрэтэр миэрэлэри ыларга сорудахтаатым диэн Ил Дархан суруйар.
«Бүгүн бэйэлэрин үлэлэрин үтүө суобастаахтык, толору күүстэринэн үлэлии сылдьар дьоҥҥо махтанабын. Эһиги дьулуургут уонна бэйэни харыстаммат үлэҕит дьоҥҥо уонна нэһилиэнньэлээх пууннарга кутталы кэмигэр тохтоторго көмөлөһөр», — диэн суруйар Айсен Николаев.
“70-80-с сылларга төрөөбүт дьоҥҥо судаарыстыбаттан босуобуйа төлөнөр, онон бу ыйыллыбыт сигэҕэ киириҥ” диэн иһитиннэрии ааспыкка…
Ил Дархан Айсен Николаев Кириэмилгэ Владимир Путин бэрэссэдээтэллиир РФ Судаарыстыбаннай Сэбиэтин мунньаҕар кыттыыны ылла. Мунньахха…
Арассыыйа норуодунай артыыската Вера Алентова 83 сааһыгар олохтон туораата. Бу туһунан РИА-Новости иһитиннэрэр. Вера Алентова…
Ааспыт сууккаҕа өрөспүүбүлүкэҕэ биэс буруйу оҥоруу буолбутун туһунан СӨ Борокуратуурата иһитиннэрэр. Дьокуускайга суотабай төлөпүөнү уорбуттар.…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Саҥа дьыл саҕана үгүс хаһаайкалары бырааһынньык остуола долгутар. Саҥа дьыллааҕы салааттар, ас-үөл барыта сыалаах-арыылаах. Бырааһынньык…