Икки талаан көрсүһүүтэ

Саха сиригэр Мандар Уус 80 сааһын республика киэҥник бэлиэтээтэ. Мандар Ууһу илэ тутан олорон эҕэрдэлээри, элбэх киһи сүдү талааммытын кытары көрсөн эҕэрдэлээтэ.

Биһиги Оһуокай түмсүүбүтүттэн Дархаттар сүбэлэрин бэрэссэдээтэлэ, Дархан этээччи Валентин Васильевич Хорунов 2012 сыллаахха Оһуокайга Гиннес рекордун хартыынатын бэлэх туттарда. Саха норуотун ойуутун, оһуорун тилиннэрбит улуу маастарга махталын этэн туран, өссө да уһуннук олороругар баҕарда.

Борис Федорович Неустроев-Мандар Уус харда тылыгар Валентин Хорунов оһуокайга ураты талааннааҕын бэлиэтээн туран, 2026 сылга уустар ыһыахтарыгар оһуокай түһүлгэтин төрүттүүрүгэр анаан ыҥырда. Онон бэҕэһээ айылҕаттан дьоҕурдаах икки талаан көрсөн кэпсэтиилэрэ эмиэ ураты сонун.

Марта Николаева