Хаартыска Сө экология минситиэристибэтин архыыбыттан
Бүгүҥҥү туругунан, баһаары умуруорууга 1940 киһи уонна 151 тиэхиньикэ үлэлиир. Нэһилиэнньэлээх пууннартан чугас ойуур баһаардара баар Өлүөхүмэ уонна Абый улуустарыгар баһаары утары охсуһааччылар күүстэрин мунньуу салҕанар. Бу туһунан от ыйын 17 күнүгэр СӨ экологияҕа, айылҕаны туһаныыга уонна ойуур хаһаайыстыбатыгар миниистирин солбуйааччы Андрей Коноплев брифинг кэмигэр эттэ.
Ааспыт сууккаҕа авиация уонна космическай мониторинг түмүгүнэн, саҥа 9 ойуур баһаара булуллубут. Бу баһаардар иэннэрэ, билиҥҥи туругунан, 803 гектар.
“Ааспыт суукка устата уопсайа 28 416 гектаар иэннээх 4 ойуур баһаарын умуруордулар. Уопсайа 40 952 гектаар иэннээх 8 ойуур баһаара бохсулунна. Баһаардар Алдан, Бүлүү, Үөһээ Бүлүү, Ленскэй, Мэҥэ Хаҥалас, Сунтаар, Таатта, Хаҥалас улуустарыгар бохсулуннулар», — диэтэ Андрей Коноплев.
Бу сарсыарда өрөспүүбүлүкэ сиригэр-уотугар 169 ойуур баһаара, 2 ландшафтнай баһаар, ураты харыстанар сирдэргэ 1 ойуур баһаара баар, умуруорууга күүстээх үлэ салҕанар. Ойуур баһаардара 19 муниципальнай оройуоҥҥа умайаллар.
Миниистири солбуйааччы этэринэн, бүгүн Бүлүү бөлөх улуустарыгар ардаҕы түһэрэр зондировщик сөмөлүөт үлэлиирэ былааннанар.
Өрөспүүбүлүкэ сиригэр-уотугар эрэгийиэннээҕи уонна федеральнай ыксаллаах быһыы-майгы эрэсиимнэрэ салҕаналлар. Дьааҥы, Бүлүү, Үөһээ Бүлүү, Ленскэй, Нерюнгри, Уус-Маайа, Өлүөхүмэ улуустарыгар муниципальнай таһымнаах ыксаллаах быһыы-майгы эрэсиимэ салҕанар.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…