Икки улуус далбар хотуттара көрүстүлэр

Бу  күннэргэ Таатта уонна Чурапчы улууһун далбар хотуттара көрүстүлэр. Бу туһунан «Таатта» хаһыат сайта сырдатар. Ол курдук Таатта улууһун дьахтар сүбэтин салайааччы Варвара Будикина уонна «Айылҕаана» диэн эбээлэр түмсүүлэрэ көҕүлээһиннэринэн, ыаллыы сытар Чурапчы улууһугар тахсан уопут атастастылар.

Икки улуус далбар хотуттарын көрсүһүүлэрин сүрүн соруга — «Утум» диэн норуот уус-уран оҥоһуктарын оҥорор, тигэр түмсүү үлэһиттэрин кытта билсиһии буолар.

Ол курдук, СӨ норуотун маастара Надежда Ахматова салайааччылаах «Силис» диэн иистэнньэҥнэр түмсүүлэрин үлэлэрин көрдүлэр. Ону сэргэ, «Сиэл тойуга» диэн түмсүү салайааччыта Варвара Бурнашева ситиини хатыыга сүбэ-ама биэрдэ. Онон хардарыта туһалаах көрсүһүү өбүгэ үгэһин үйэтитиитэ олук уурда.