Хаартыска: ЯСИА.
ИДьМ сулууспатын сонуннара «Бутлегер» операцияттан саҕаланар. Ааспыт сууккаҕа арыгыны утары сокуону кэһии Дьокуускай, Мииринэй куораттарга, ону тэҥэ Горнай, Нам уонна Мэҥэ Хаҥалас улуустарыгар бэлиэтэммит.
ИДьМ пресс-сулууспата иһитиннэрбитинэн, полиция учаастактарын боломуочунайдара Дьокуускайга Губин уулуссатыгар баар маҕаһыын 23 саастаах атыыһыта арыгы атыылаабыт чахчытын быһаардылар. Киниэхэ административнай эппиэтинэс сүктэрилиннэ.
Тимирязев уулуссаҕа баар маҕаһыын 52 саастаах атыыһыта эмиэ көҥүллэммэт кэмҥэ арыгынан эргиммит. Кини эмиэ эппиэккэ тардылынна.
Оттон өрөспүүбүлүкэ киин куоратын Киров уулуссатыгар 27 саастаах суоппар массыынатын салонуттан буокканы сокуону кэһэн атыылыы туран тутулунна. Боротокуол оҥоһулунна.
Мииринэй куоракка «50 лет Октября» шоссеҕа майгынныыр түбэлтэ таҕыста. Онно 31 саастаах суоппар бэйэтин массыынатын салонуттан буокканы сокуону кэһэн атыылыы туран тутулунна. Бу киэһэ 21:20 чаас саҕана буолбут. Киниэхэ РФ Административнай кэһиилэр тустарынан кодексатын 14.17.1 ыстатыйатынан эппиэтинэс сүктэрилиннэ.
Горнай улууһун Бэрдьигэстээх сэлиэнньэтин учаастактааҕы боломуочунайдара эмиэ маннык кэһиини буллулар. Кинилэр массыынатыттан сокуону кэһэн арыгынан эргиммит 36 саастаах олохтоох киһиэхэ боротокуол толордулар.
Намнааҕы полицейскайдар эмиэ 34 саастаах олохтоох бутлегеры быһаардылар. Бу киһи улуус киининэн сылдьан, буокканы сокуону кэһэн атыылыыр эбит. Административнай боротокуол оҥоһулунна.
Бу кэмҥэ Мэҥэ Хаҥалас улууһун Майа сэлиэнньэтигэр арыгыны сокуоннай сааһын ситэ илик оҕоҕо атыылаабыт чахчыта бэлиэтэннэ. Алданскай уулуссаҕа баар маҕаһыын 26 саастаах атыыһыта уолу арыгы иһиитигэр угуйбута быһаарылынна. Киниэхэ РФ Административнай кэһиилэр тустарынан кодексатын 14.16.1 ыстатыйатынан эппиэтинэс сүктэрилиннэ.
ИДьМ пресс-сулууспата өрөспүүбүлүкэҕэ буруйу оҥоруу уонна сокуону кэһии үгүс өттө итирик туруктаах дьонунан оҥоһулларын өссө төгүл санатар. Ону сэргэ, киһи бэйэтэ арыгы иһэн баран, буруйу оҥоруу эбэтэр саахал сиэртибэтэ буолар түбэлтэтэ эмиэ аҕыйаҕа суох.
Бүгүн, сэтинньи 28 күнүгэр, пуорум иккис күнэ киин куорат сынньалаҥ пааркатыгар кыһыҥҥы сүүрүүттэн саҕаланна. –…
Сүрэх быраастара бэлиэтииллэринэн, киһи күнүн ыстакаан мүлүгүр ууттан саҕалыыра ордук. Сарсыарда уһуктаат икки ыстакаан ууну…
Ил Дархан Айсен Николаев «Сулус» үөрэтэр-эрчийэр полигон салайааччытын, Арассыыйа Дьоруойа Александр Колесовы уонна кини солбуйааччытын,…
Бу күннэргэ Саха сиригэр тэрээһиннээхтик буола турар “Сыыппара алмааһа” пуорумҥа үгүс киһи тоҕуоруспут. Хаҥалас улууһун…
Саҥа дьыллааҕы бырааһынньыктар чугаһаан, харыйаны бэлэмнээһиҥҥэ ирдэбил үрдээн, СӨ Экологияҕа министиэристибэтэ ойуур хаһаайыстыбатын сокуонун ирдэбиллэрин…
Дьокуускайга Арассыыйа дьоруойдарын ийэлэрин быыстапката аһылынна. Экспозиция "Материнская слава Якутии" саалаҕа турда. Быыстапка Аҕа дойдуну…