Иккиһин итирик туруктаах тутуллубут суоппар көҥүлэ быһылынна

Нерюнгри борокуратуурата итирик туруктаах уруулга хаттаан олорон тутуллубут олохтоох эр киһиэхэ судаарыстыбаннай буруйдааһынын өйөөтө.

Суут быһаарыытынан, 2025 сыл тохсунньутугар административнай буруйга тардыллыбыт эр киһи итирик туруктаах уруулга олорон хаттаан тутуллубут. Ону таһынан буруйданааччы Nissan Sunny массыынатын атыылабытын үрдүнэн, салгыы туһана сылдьыбыта быһаарыллыбыт.

Суут массыынаны атыылааһын дуогабарын сокуоннайа суоҕунан билиннэ уонна тырааныспары былдьыырга уураахтаата. Суут борокуруор этиитин учуоттаан, эр киһини биир сыл уонна алта ый болдьоххо холуонньа-поселенияҕа көҥүлүн быһарга уонна түөрт сыл уонна алта ый болдьоххо тырааныспар ыытар быраабын тохтотто. Бириигэбэр сокуоннай күүһүгэр киирэ илик, диэн СӨ Борокуратууратын пресс-сулууспата иһитиннэрэр.