Иккиһин итирик туруктаах уруулга олорон, «Тойота Ленд Крузер» массыынатын былдьатта

Дьокуускай куоракка арыгы иһэн баран хат уруулга олорбут эр киһиттэн  «Тойота Ленд Крузер» массыынатын былдьаатылар.

Суут быһаарбытынан,  58 саастаах Дьокуускай куорат олохтооҕо 2025 сылга, атырдьах ыйыгар, арыгы иһэн баран хат уруулга олорбут. Итиэннэ итирик туруктаах суол быһылаанын таһаарбыт. 

Судаарыстыбаннай  буруйдааччы этиитин  учуоттаан туран, суут эр киһини  280 чаастаах булгуччулаах үлэҕэ итиэннэ 2 сыл болдьоххо тырааныспары ыытар быраабын тохтотор туһунан уураахтаата. Маны таһынан, буруйдаахтан судаарыстыба дохуотугар   «Тойота Ленд Крузер» массыынатын  конфискациялаатылар.