Хаартыска: ЯСИА.
Кирилл Бычков, СӨ бырабыыталыстыбатын бэрэссэдээтэлэ:
Ил Түмэн 14-с уочараттаах пленарнай мунньаҕа түмүктэннэ. Биир сүрүн көрүллүбүт боппуруоһунан өрөспүүбүлүкэ 2026 сыллааҕы бүддьүөтэ буолла.
Cаха сирин сүрүн үбүн докумуона бэйэтин социальнай хайысхатын тутан хаалла. Барыллаан көрүүнэн бүддьүөт дохуотун уопсай кээмэйэ 309 млрд солк, ол онтон 130 млрд социальнай эйэгэҕэ ыытыллыа.
Төһө да үп-харчы өттүнэн уустук балаһыанньа буоллар, биһиги сүрүн хайысхалары: хамнаһы, ийэлэри, оҕолору өйөөһүнү, доруобуйа харыстабылын сайдыытын уонна социальнай бэлиитикэни оннунан тутан хааллыбыт, сорох өттүн өссө күүһүрдэр кыахтанныбыт.
Сорох салааларга үбүлээһин эмиэ үрдээтэ. Ол курдук, хомунаалынай хаһаайыстыбаҕа 43 млрд. солк. тахса бүддьүөт үбэ көрүлүннэ. Үрдээһин улахан өттүн хомунаалынай комплекс тэрилтэлэрин субсидиятыгар ыытыахпыт.
Ил Түмэн дьокутааттара үөрэхтээһини уонна өрөспүүбүлүкэ Арктическай зонатын үбүлээһиҥҥэ элбэх боппуруоһу биэрдилэр. Бу хайысхалар олус суолталаахтарын өйдүүбүт, онон федеральнай үбүлээһини киллэрэн туран, бүддьүөт тэҥнэһиитин хааччыйар туһугар иккис ааҕыыга баларга болҕомтобутун ууруохпут.
Ил Түмэн дьокутааттарыгар бүддьүөтү бэлэмнээһиҥҥэ уонна ылыныыга таһаарыылаахтык бииргэ үлэлээбиттэригэр махтанабын.
Өлөчөй анал интэринээт-оскуолатыгар олорор инбэлиит оҕолор бырааптара кэһиллэрин туһунан иһитиннэрии тарҕаммытынан, Өрөспүүбүлүкэ борокуратуурата сорудахтаан, Мэҥэ…
Дьокуускайга “Голос” устуудьуйа оҕону кэрэ эйгэтигэр угуйар. Устуудьуйаны Татьяна, Христофор Саввиновтар салайаллар. Устуудьуйа тэриллибитэ аҕыс…
Алтынньы 18 күнүгэр Н.Е Мординов-Амма Аччыгыйын аатынан Харбалаахтааҕы үөрэхтээһин холбоһугар идэҕэ туһаайар үлэ хайысхатынан "Аһаҕас…
Алтынньы 17-31 күннэригэр Дьокуускайга "Чайковский-фест. Якутск" опера-балет бэстибээлэ буола турар. Бу Арассыыйатааҕы бэстибээл улуу композитор…
РФ Ис дьыалаҕа миниистирэ Владимир Колокольцев ИДьМ Дьокуускайдааҕы салаатын полиция 2-с нүөмэрдээх отделын ыстаарсай иниспиэктэрэ,…
Соторутааҕыта Арчы Дьиэтигэр "Zema" улуус ыччаттарын түмсүүлэрин икки ардыларыгар "Түһүлгэ" диэн эдэр ыччат дьоҥҥо аналлаах…