Хаартыска: Василий Кононов.
Ил Түмэн 14-с пленарнай мунньаҕар кэлэр сыллааҕы өрөспүүбүлүкэ бүддьүөтүн бастакы ааҕыыларга ылыннылар: дохуота 309, 60 млрд солк. былааннаах оҥоһулунна, ороскуота 317 млрд солк. Дэписиит 7,5 млрд солк.
Юрий Николаев, бүддьүөт, үп, түһээн уонна сыана бэлиитикэтигэр кэмитиэт бэрэссэдээтэлэ, вице-спикер:
-Ил Дархан дьокутааттарга, хайа кыалларынан тыа хаһаайыстыбатыгар, тыа сирэ сайдыытыгар 2025 сылга көрүллүбүт үптэн түһэримэҥ, ол эбэтэр 15 млрд солк. тиэрдиҥ диэн сорудах биэрдэ. Биһиги бастакы ааҕыыларга 7 млрд солк. көрбүппүт, онно эбии 7 млрд солк. булуохтаахпыт.
Иккиһинэн, хомунаалынай комплекс тэрилтэлэригэр төһө кыалларынан элбэх субсидияны көрүҥ диэн сорук туруорда. Быйылгы балаһыанньа хатыламматын курдук, саамай улааппыта 50 млрд солк. кэриҥэ буолуохтаах. Өскөтө 40 млрд солк. бастакы ааҕыыларга ылыммыт буоллахпытына, билигин өссө 9 млрд кэриҥин булуохтаахпыт.
Билигин биэс хамыыһыйа тэриллиэхтээх, олорго бүддьүөт бырайыагар киирэр көннөрүүлэри көрүөхтэрэ. Көннөрүүлэри сэтинньи 15 күнүгэр диэри киллэрэллэр.
Онон иккис ааҕыылар саҕана эбии дохуот киирэрин учуоттаан туран, инники күөҥҥэ тутуллар хайысхаларга – тыа хаһаайыстыбатыгар, социальнай өйөбүлгэ уонна хомунаалынай комплекс тэрилтэлэрин субсидиялыырга болҕомтобутун ууран, туох баар көннөрүүлэри киллэрэн, бары өттүнэн туруктаах бүддьүөтү оҥоруохпут.
Бүгүн, ахсынньы 13 күнэ, САССР норуодунай артыыһа, сахалартан бастакынан улуу сирдьит Ленин оруолун саха национальнай…
Маны туһанан Арассыыйаҕа түөкүттэр сиэри таһынан баран эрэллэр. Куйаар ситимэ киириэҕиттэн бэйэтэ да түргэтээбит, ааһа…
Саҥа сылы көрсө харыйаны туруоруу, дьиэни киэргэтии аҥаардас бырааһынньыкка эрэ бэлэмнэнии буолбатах. Фэн-шуй этэринэн, бу барыта…
Биир үтүө күн маҕаһыыҥҥа бэркэ билэр дьахтарбын көрсө түстүм. Билэр киһи сиэринэн, үөрэ-көтө дорооболоһоору гыммытым,…
Дойду бэйэтэ оҥорон таһаарар аһынан-үөлүнэн хааччынар буоллаҕына, бигэ туруктаах, сарсыҥҥыга эрэллээх, дьоно-сэргэтэ чэгиэн туруктаах буолар.…
Чэпчэтиилээх куортам бырагыраамата 2022 сыллаахха Илиҥҥи экэнэмиичэскэй пуорум үлэтин түмүгүнэн, бэрэсидьиэн Владимир Путин көҕүлээһининэн, олоххо…