Иконописец Ирина Тимофеева быыстапката аһылынна

Бу күннэргэ Дьокуускай куоракка «Үргэл» арт-галереяҕа «Славим Рождество Твое на Земле Олонхо» быыстапка үлэлии турар.

Ураты ааттаах анал быыстапка Арассыыйа худуоһунньуктарын сойууһун чилиэнэ, сахалартан бастакы иконописец Ирина Тимофеева айар үлэтигэр ананар.

Тохсунньу 19 күнүгэр, Кириэһиэнньэҕэ быыстапка аһыллыытыгар Дьокуускайдааҕы уонна Ленскэйдээҕи архиепископ Роман уонна Дьокуускайдааҕы епархия иеромонаҕа Никандр (Горбатюк) кыттыыны ыллылар.
Архипастырь Ирина Тимофеева төрөөбүт дойдутугар аан маҥнайгы анал быыстапката дьон көрүүтүгэр турбут үөрүүлээх күнүнэн эҕэрдэлээтэ уонна Дьокуускайдааҕы епархия үбүлүөйдээх мэтээлин туттарда.