Ил-96-400Т сөмөлүөт пуорка түһэригэр шассита алдьаммыт

Бөлүүн, алтынньы 15 күнэ үүнэр түүнүгэр, Дьокуускай куорат аэропуордугар «Sky Gates» авиахампаанньа таһаҕаһы тиэйэр Ил-96-400Т  сөмөлүөтэ кэлэн, хаҥас шасситын стойкатын пневматиката  алдьанан, туормастыыр барабаннара умайда.

Дьокуускай куорат аэропуорда иһитиннэрбитинэн, пуорт суһал сулууспаларын үлэтин түмүгэр, балаһыанньа тута хонтуруолга ылыллыбыт.

Шасси стойкатыгар тахсыбыт баһаар умуруоруллубут.  Көтөр аалтан таһаҕаһы көтөр-түһэр балаһаҕа сүөкээбиттэр.

Суудуна Жуковскай (Раменскай) аэропуордуттан  60 туоннаттан тахса таһаҕаһы аҕалбыт. Барыллааһын быһыытынан бортка 9 киһи баар эбит, ким да эмсэҕэлээбэтэх.

Аэропуорт үлэтин олохтоон бириэмэнэн  7:25 ч. үлэтин салҕаабыт. Сорох рейстэр саппаас аэродромҥа Чульмаҥҥа барбыттар.