Я.Игнатьева ыытта
Бүгүн өрөспүүбүлүкэ Ил Дархана Айсен Николаев СӨ Судаарыстыбаннай Мунньаҕын (Ил Түмэн) XIII (уочараттаах) пленарнай мунньаҕар ааспыт сыллааҕы үлэ түмүктэринэн отчуоттаата.
Бу отчуот сүнньүнэн бэйэтин санаатын “Симэх” уус-уран оҥоһуктар национальнай киинэ” тэрилтэ дириэктэрэ Яна Викторовна Игнатьева санаатын маннык үллэһиннэ:
— Өрөспүүбүлүкэ Ил Дархана уонна Бырабыыталыстыбата кэнники сылларга норуот ойуулуур-дьүһүннүүр оҥоһуктарын сайыннарыыны өйүүргэ үгүс миэрэлэри ылынар. Биллэрин курдук, Саха сирин улуустарыгар бу эйгэҕэ 5000 тахса киһи үлэлиир. Бу – норуот маастардара, уус-уран оҥоһуктар маастардара, урбаанньыттар уонна бэйэлэрэ дьарыктаах дьон. 2023 сыллаахха норуот уус-уран оҥоһуктарын 2033 сылга диэри сайыннарыы кэнсиэпсийэтин ылыммыппыт. СӨ Ил Дархана Айсен Николаев норуот маастардарыгар истипиэндьийэни олохтообута. Ол курдук, 14 киһи, о.и. уустар ый ахсын 30 тыһ. солк. истипиэндьийэни ылбыттара. Ону тэҥэ өрөспүүбүлүкэ улуустарыгар муниципальнай тэриллиилэр эмиэ уус дьыалатын баһылаабыттары өйүүр миэрэлэри олохтообуттара кэрэхсэбиллээх. Улуустарга маастардары кытта үлэлиир уонна норуот уус-уран оҥоһуктарын бары көрүҥнэрин сайыннарар 15 оҥоһук дьиэтэ аһыллыбыта. Биэс сыл устата хайы-үйэ симэлийэ сыспыт көрүҥнэри чөлүгэр түһэрдибит. Туос иһити, туос ураһаны тигиини, сылгы сиэлиттэн оҥоһуктары оҥорууну. Ону тэҥэ хоту дойду аҕыйах ахсааннаах төрүт норуоттарын иистэрин.
Билигин креативнай индустрия өрөспүүбүлүкэбитигэр тэтимнээхтик сайдар. Бу үлэҕэ биһиги маастардарбытын кытыннарабыт. Эдэр маастардар үлэлэрин быыстапкаларга илдьэбит. Быйыл кулун тутар ыйга Казахстаҥҥа “Сказ на бивне мамонта” норуоттар икки ардыларынааҕы бэстибээл ыытыллыбыта, онно сэлии муоһуттан кыһан оҥорууну көрдөрбүппүт. Бу күннэргэ Улан-Баторга (Монголия) сылгы сиэлиттэн үлэлэргэ “Күн Дьөһөгөй – культ коня” ураты быыстапка Монголия национальнай түмэлигэр буола турар. Онон норуот ойуулуур-дьүһүннүүр оҥоһуктарын сайыннарыыга Ил Дархаммыт улахан болҕомтотун уурар.
Cаха сирин синоптиктарын билгэлэринэн бүгүн, ахсынньы 16 күнүгэр, хоту оройуоннарынан хаардыыр. Эдьигээн улууһугар сөкүүндэҕэ 9-14…
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…
Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…
Бүгүн Саха сиригэр бастакы элбэх функциялаах «Патриот» ыччат киинэ аһылынна. Бу киин Уһук Илиҥҥэ биир…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников ыксаллаах быһыыга-майыга түбэспит дьону көрдүүр-быыһыыр үлэлэр статистикаларын туһунан…
Норуодунай фронт эрэгийиэннээҕи салаатын үлэһитэ Дмитрий Паньков этэринэн, Арассыыйа Бэрэсидьиэнэ ыыппыт быһа кэпсэтиитигэр Саха сириттэн…