Ил Дархан, бырабыыталыстыба дьаһалтатын пресс-сулууспата.
2023 сыл алтынньытыгар Нерюнгри оройуонун Иенгра сэлиэнньэтигэр олорор, 14 оҕо ийэтэ Татьяна Юдинцеваҕа Владимир Путин «Дьоруой Ийэ» ааты иҥэрэр туһунан ыйааҕа тахсыбыта. Ахсынньы 23 күнүгэр Ил Дархан Айсен Николаев Нерюнгригэ бара сылдьан, уордьаны киниэхэ туттарда.
Татьяна Юдинцева Г.М.Василевич аатынан оскуола-интэринээккэ таҥаһы-сабы дьаһайар хаһаайыстыба сэбиэдиссэйинэн үлэлиир. Татьяна Владимировна — Иенгра эбэҥки нэһилиэгин көхтөөх уопсастыбанньыга.
Кини 2008 сыллаахха СӨ бэрэсидьиэнин ыйааҕынан, «Күн күбэй ийэ» («Материнская слава») бэлиэнэн наҕараадаламмыта. 2011 сыллаахха Юдинцевтар бырабыыталыстыба гранын ылан, икки этээстээх дьиэни туттубуттара. Маны тэҥэ, 2012 сыллаахха «УАЗ» массыынаны ылбыттара.
2016 сыллаахха Татьяна Юдинцева 14 оҕону төрөппүт-ииппит Дьоруой Ийэ быһыытынан, СӨ бэрэсидьиэнин бириэмийэтин лауреата буолбута. 2017 сыллаахха Татьяна Владимировна уонна Павел Васильевич «Родительская слава» уордьанынан наҕараадаламмыттара. 2021 сыллаахха ыал аҕа баһылыга «Ытык аҕа» бочуоттаах бэлиэни туппута.
Юдинцевтэр оҕолоро бары оскуола, нэһилиэк тэрээһиннэригэр кытталлар, эрэгийиэннээҕи, Арассыыйатааҕы олимпиадалар кыайыылаахтара буолаллар, бириистээх миэстэлэргэ тиксэллэр. Муусука үстүрүмүөннэригэр оонньууллар, спордунан дьарыктаналлар. Бэйэ-бэйэлэрин кытта олус иллээхтэр.
Улахан кыыстара Галина Балговещенскайга Амурдааҕы мэдиссиинэ академиятыгар үөрэнэр. Елена Нерюнгритээҕи мэдиссиинэ кэллиэһигэр биэлсэринэн үлэлиир, Сергей — «Колмар» хампаанньаҕа электриктиир, Екатерина — Нерюнгри куорат бибилэтиэкэтигэр инженер-программист дуоһунастаах. Уолаттара Тимофей, Владимир, Александр Соҕурууҥҥу Саха сиринээҕи технологическай кэллиэскэ үөрэнэллэр. Кыралара Людмила, Евгений, Ирина, Марк, Маргарита, Наташа, Анита – оскуола-интэринээт үөрэнээччилэрэ.
Ил Дархан, бырабыыталыстыба дьаһалтатын пресс-сулууспата.
АЛРОСА хампаанньа өйөбүлүнэн тэриллэр “Медиахакатоҥҥа” номнуо үһүс төгүлүн өрөспүүбүлүкэ араас муннугуттан 48 көхтөөх, айар-тутар дьоҕурдаах…
Таатта улууһун Ытык Күөл сэлиэнньэтигэр Култуура уонна сынньалаҥ пааркатыгар баар Саҥа дьыллааҕы харыйа "Елки России"…
Бүлүү улууһун Кыһыл Сыыр сэлиэнньэтин олохтооҕо дьахтар өрөспүүбүлүкэ борокуруора Максим Поповка көмө көрдөөн биллибит. Быһаарыллыбытынан,…
Арассыыйа социальнай пуондата үлэлиир гражданнарга биэнсийэни индексациялааһыны быһаарда. Индексацияны суоттааһыҥҥа 2016 сылтан ыла бары көтүтүллүбүт…
СӨ тырааныспар уонна суол Хаһаайыстыбатын миниистирин бастакы солбуйааччы Анатолий Потапов бүгүн, ахсынньы 12 күнүгэр, социальнай…
Саха сирин олохтооҕо Денис Харисов ТНТ ханаал ыытар "Ярче звезд" биэриитигэр кытынна. Бу биэриигэ кыттааччылар…