Олунньу 4 күнүгэр Ил Дархан Айсен Николаев Бырабыыталыстыба салайааччыларын кытта мунньах ыытан, 2022 сылга тус бэриллибит сорудахтар олоххо киириилэрин түмүгүн таһаарда.
Ил Дархан сүрүннээн сорудахтар сөптөөхтүк толоруллан олоххо киирбиттэрин бэлиэтээтэ. Арҕаа дойдулар сааҥсыйаларын кэмигэр дойдубут сайдарын туһугар улахан үлэ ыытыллыбытын, бу үлэ нэһилиэнньэ олоҕор үтүө уларыйыылары киллэрбитин хайҕаан аҕынна. Ол эрэн, сорох дьаһаллары аатыгар эрэ толоруу эмиэ баар диэн, Айсен Николаев бэлиэтээн эттэ. Ол курдук, аадырыстаах көмө оҥоруу туһунан уопсай сыыппараларынан таҥыллыбыт отчуоту Ил Дархан ылбата – хас биирдии дьиэ кэргэн төһө көмөнү ылбытын ыйар испииһэгин, биирдиилэн дьон туох ыараттары көрсүбүтүн өйдөнөр гына оҥорон хаттаан туттарага дьаһайда.
Ону кытта дьаһалы толорууга үлэ ыытыллыбыта биллэр эрээри, ирдэнэр түмүк суоҕа көстөр түгэннэри ыйда. Холобур, сырдатыы үлэтэ ыытыллыбытын да үрдүнэн, элбэх киһи интэриниэт нөҥүө түөкүннээһиҥҥэ киирэн биэрэрэ билигин даҕаны баар. Төлөпүөн нөҥүө сүүлүктээһини утары сэрэтии үлэтэ сөптөөх туһаны аҕалбатаҕа көстөр. Бу хайысхаҕа үлэни сөптөөхтүк ыытарга сорудах бэрилиннэ.
Айсен Николаев тус бэриллэр сорудахтары анааһын салҕанарын туһунан эттэ – 2023 сылга Бырабыыталыстыба чилиэттэригэр маннык сорудахтар салгыы ананыахтара. Быйылгы сыл сүрүн сорудахтарын иһигэр Ил Дархан байыаннай дьайыы кыттыылаахтарыгар, кинилэр дьиэ кэргэттэригэр көмөнү, социальнай хайысхалаах эбийиэктэри тутууну, тыа хаһаайыстыбатыгар үлэлиир дьон дохуоттарын үрдэтиини, “Арктика оҕолоро” бырайыагы уонна да атын хайысхалары ааттаата. Сорудахтар анаммыт кэмҥэ сөптөөхтүк толоруллаллара кытаанахтык ирдэнэрин туһунан Ил Дархан мунньах түмүгэр тоһоҕолоон эттэ.
Мария Васильева хаартыската.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…