Ил Дархан Айсен Николаев байыаннай кэрэспэдьиэннэр Руслан Гусаровы уонна Семен Пеговы кытта көрүстэ. Кинилэр «Муус устар» ыччат бэстибээлин бочуоттаах ыалдьыттара.
Көрсүһүү кэмигэр анал байыаннай дьайыы информационнай сырдатыытын боппуруостарын дьүүллэстилэр.
«Суруналыыстар ыытар үлэлэрэ анал байыаннай дьайыы кэмигэр олус наадалаах. Эһиги айбыт кырдьыктаах документальнай матырыйаалларгыт норуокка ирдэнэллэр. Байыаннай кэрэспэдьиэннэр билигин фронт учаастагар информационнай атаакалары ситиһиилээхтик утараллар. Эһиги үлэҕит, биллэн турар, Кыайыыга чугаһатар!», – диэн Ил Дархан Айсен Николаев бэлиэтээтэ.
Семен Пегов Саха сиригэр олохтоммут байыаннай-патриотическай үлэни үрдүктүк сыаналаата.
«Саха сиригэр сотору кэминэн бастыҥ снайпердар полигона аһыллыаҕа. Снайпинга маннык киэҥ далааһыннаах бырайыак олоххо киирэриттэн олус үөрэбин. Аан дойдуга маннык таһымнаах полигоннар аҕыйах ахсааннаахтар», — диэн Семен Пегов бэлиэтээтэ.
Кини Айсен Николаевка «Наш вектор» Бүтүн Арассыыйатааҕы туристическай слет бырайыагын билиһиннэрдэ: «Оҕолор балааккаҕа хонон-өрөөн, успуордунан дьарыктаныа, тыаҕа уот отторго үөрэниэ, кутаа аттыгар ырыалары ыллыа этилэр», – диэн Семен Пекарскай иһитиннэрдэ.
Байыаннай кэрэспэдьиэн Руслан Гусаров Айсен Николаевка «RT.Док: Время героев» диэн документальнай киинэ норуоттар икки ардыларынааҕы бэстибээлин эрэгийиэннээҕи түһүмэҕин Саха сиригэр ыытарга этии киллэрдэ.
«Норуоттар икки ардыларынааҕы бэстибээл дьоруойдарга, бэлиэ түгэннэргэ, фроҥҥа баҕа санаалаах сулууспалыы барааччыларга ананар. RT хампаанньа атын СМИ-ры кытта бииргэ үлэлиир экспертнэй уопсастыбата бу бэстибээли аан бастаан Саха сиригэр ыытыахха наада диир. Өрөспүүбүлүкэ анал байыаннай дьайыыга биир дойдулаахтарын өйөөһүнүн тэрийиигэ бастыҥ холобурунан буолар. Манна анал байыаннай дьайыы толоонноругар туох буола турарын улахан болҕомтоҕо ылыллар, ону сэргэ дьоруойдаргытыгар улахан болҕомто ууруллар», — диэн Руслан Гусаров эттэ.
Айсен Николаев суруналыыстар этиилэрин өйөөтө уонна кинилэр үлэлэрин, Саха сирин байыаннайдарыгар ураты болҕомтону, республика байыастарын туһунан чаҕылхай документальнай сюжеттары уонна киинэлэри оҥоруу иһин махталын биллэрдэ.
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата
Оройуоннааҕы борокуратууралар ирдэбиллэринэн, Саха сиригэр элбэх кыбартыыралаах дьиэлэргэ эрэгийиэн операторыгар өрөмүөн үлэтин ыытарга эбээһинэстиир туһунан…
Бүгүн Байыаннай дьайыы бэтэрээннэрин күнэ. Саха сирин улуустарыгар бу бэлиэ күнүнэн араас сылларга байыаннай дьайыыларга,…
Дьокуускайга тутулла турар Арктикатааҕы эпос, ускуустуба киинэ Саха сиригэр баар Олоҥхо дьиэлэрин сүрүннүүр киин буолуоҕа. …
От ыйа сайын үгэнэ, сайын оройо. Аан Алахчын хотун Ийэбит ыйа хайдах буолуой? Бэс ыйын…
Удачнай куорат борокуратуурата анаммыт накаастабыл кээмэйэ кыратынан сибээстээн, суут уурааҕын апелляция бэрээдэгинэн үҥүстэ. Ол уурааҕынан,…
Бүгүн Оһуокайбыт түһүлгэтигэр субуотунньуктаатыбыт. Мустуубут боппуруоһунан түмсүү сэбиэтэ Оһуокай ыһыаҕын тэрийиигэ сүбэлэстибит. Бастатан туран, Нерюнгрига…