Ил Дархан Афганистан сэриитин бэтэрээннэрин кытта көрүстэ

Ил Дархан дойду уонна өрөспүүбүлүкэ салалтата бэтэрээннэри ким ханнык сэриигэ сылдьыбытынан араартаабатын  диэн эттэ.

«Эһиги бары дьоруойдаргыт.  Кытаанах тургутууну ааспыт бары дьону биһиги өйдүү-саныы сылдьабыт», –  диэн  Айсен Николаев бэлиэтээтэ.

«Российский союз ветеранов Афганистана и специальных военных операций» Бүтүн Арассыыйатааҕы уопсастыбаннай тэриллии Саха сиринээҕи салаатын бэрэссэдээтэлэ, Афганистан сэриитин кыттыылааҕа Валерий Лютай,   байыаннай дьайыылар  бэтэрээннэрэ, кыттыылаахтара хаһааҥҥытааҕар да сомоҕолоһор кэмнэрэ кэллэ диэн эттэ.

«Бэтэрээннэр тэриллиилэрин сүрүннүүр биир кэлим уорган баар буолуон наада.  Бары сэриилэр бэтэрээннэрэ сомоҕолоһуохтаахтар.  Консультативнай-координационнай киини тэрийиэххэ»,– диэн Валерий Лютай этии киллэрдэ.

Көрсүһүү кыттыылаахтара бэтэрээннэр тэриллиилэрин үлэлэрин хайысхатын, патриотизмҥа үлэ туһунан   кэпсэттилэр.

Сиһилии манна ааҕыҥ: https://www.sakha.gov.ru/news/front/view/id/3483280