Ил Дархан Аҕа дойду Улуу сэриитин кыттыылааҕын кытта көрүстэ

Ил Дархан Айсен Николаев Аҕа дойду Улуу сэриитин кыттыылааҕар Николай Иванович Афанасьевка «Саха Өрөспүүбүлүкэтин бочуоттаах олохтооҕо» бэлиэни  уонна «Кыайыы 80 сыла үбүлүөйдээх мэтээли туттарда.

Николай Афанасьев Гавриил Иосифович Чиряевтыын биир кылааска үөрэммитэ уонна биир полкаҕа сулууспалаабыта.

— 100 саастаах киһи наҕараада тутарыгар: «Арассыыйаҕа сулууспалыыбын!» — диэтэҕинэ, ити тыллар күүстээхтэрин санаабат буолуохха табыллыбат. Тоҕо диэтэххэ, бу ытык иэһи көрдөрөр, — диэн Айсен Сергеевич телеграмҥа суруйда.

Николай Иванович Афанасьев РСФСР, САССР оскуолаларын үтүөлээх учуутала, Саха Өрөспүүбүлүкэтин норуодунай учуутала, «Ытык аҕа» бэлиэ кавалера, кыраайы үөрэтээччи, суруйааччы, настаабынньык.
«Маннык көрсүһүүлэр туох иһин олорорбутун уонна үлэлиирбитин санаталлар. Уонна биһиги инники кэскилбит хайдах буолуохтааҕын, өскөтүн биһиэхэ Кыайыыны аҕалбыт көлүөнэҕэ тэҥнэһиэхпитин баҕардахпытына!», — диэн Ил Дархан эбэн суруйда.