Саха Өрөспүүбүлүкэтин салалтатын уонна тус бэйэм ааппыттан Аҕам саастаах дьон аан дойдутааҕы күнүнэн итиитик-истиҥник эҕэрдэлиибин!
Бүгүн олохторун, бэйэлэрин харыстаабакка сыралаахтык үлэлэлээн, бүгүҥҥү экэниэмикэ уонна духуобунас өттүгэр сүҥкэн сайдыылаах Саха сирин баар оҥорбут дьоҥҥо дириҥ убаастабылбытын биллэрэбит.
Биһиги дойдубут мөлүйүөнүнэн дьон көҥүлүн уонна олорор быраабын иһин кырдьыктаах охсуһууну ыыта турар кэмигэр эһиги бөҕө санааҕытыттан, дьулуургутуттан, мындыр өйгүтүттэн күүс эбинэбит. Бу күннэргэ эһиги муспут уопуккут хаһааҥҥытааҕар да ордук сыаналаах. Эһиги эдэр дьону дойдуга бэриниилээх буоларга үөрэтэҕит. Бэйэҕит холобургутунан Аҕа дойду туһугар үлэҕэ угуйаҕыт, төрөөбүт дойдуга тапталы үөрэтэҕит.
Биһиги ытык иэспит – аҕа саастаах көлүөнэҕэ дьоһун олоҕу хааччыйыы. Бу өрөспүүбүлүкэ судааарыстыбыннай социальнай бэлиитикэтин тутаах соругунан буолар. Саха сиригэр сыл аайы саҥа социальнай эбийиэктэр тутуллаллар, социальнай өҥөнү оҥоруу хайысхата кэтирээн, туттарга дөбөҥ буолан иһэр. Өрөспүүбүлүкэ салалтата кырдьаҕастар доруобуйаларын харыстааһын боппуруостарыгар улахан болҕомтотун уурар. Өрөспүүбүлүкэ киин куоратыгар быйыл эһиги доруобуйаҕытын харыстыырга анаан үрдүк технологиялаах кардиологическай диспансер аһылынна.
Кырдьаҕас дьон бэйэ-бэйэлэрин кытта алтыһалларыгар анаан социальнай олохторун байытар, айар дьоҕурдарын сайыннарар сыаллаах “үһүс саас” оскуолалара тэриллэллэр. Бэтэрээннэр холбоһуктара урут-уруккаттан Саха сиригэр улахан аптарытыаттаахтар, уопсастыба олоҕор лиидэринэн буолаллар.
Аҕа көлүөнэ дьоммутугар төрөөбүт дойдубут чэчирии сайдарыгар кылааттарын иһин ис сүрэхпиттэн махтанабын.
Чэгиэн доруобуйаны, уһун үйэни, дьолу-соргуну баҕарабын!
Оҕолоргут, сиэннэргит эһигини куруутун саҥа ситиһиилэринэн үөрдэ сырыттыннар, бу күн үтүө санаанан, тапталынан, эйэнэн туоллун!
Саха сирин Ил Дархана Айсен Николаев.
2024 сыл 11 ыйын түмүгүнэн Саха сиригэр 45 мөлүйүөн туонна чох хостоммут. Бу былырыыҥҥы көрдөрүүттэн…
"Ретрограднай" Меркурий "төттөрү" барыыта бүтэрэ 3 хонук хаалла. Сэтинньи 26 күнүттэн ахсынньы 15 күнүгэр диэри…
Тулагы сэлиэнньэтигэр биллибэт суоппар массыынатын суулларбыт уонна саахал миэстэтиттэн куоппут. Бу туһунан Дьокуускайдааҕы Госавтоинспекция иһитиннэрэр.…
Ахсынньы тымныытын аахсыбакка, Саҥа дьылы көрсө Үөһээ Бүлүүгэ георгин сибэкки тыллан хараҕы үөрдэр, сайыны чугаһатар.…
Бүгүн, ахсынньы 12 күнүгэр, Нам улууһун Остуолба, Таатта улууһун Булуҥ уонна Томтор, Уус Алдан улууһун…
Бүгүҥҥүттэн, ахсынньы 12 күнүттэн, РФ Конституциятын күнүгэр Дьокуускайга «Объединяя лучшее - быть первым!» диэн ааттаах…