Ил Дархан MAX мессенджергэ ханаалыттан
СӨ Ил Дархана оҥоһуу өй (ИИ) туһунан «AI Journey» норуоттар икки ардыларынааҕы кэмпириэнсийэ пленарнай мунньаҕар кытынна.
Мунньахха Арассыыйа бэрэсидьиэнэ тыл эттэ. Владимир Путин дойду үрдүнэн оҥоһуу өй технологияларын киэҥник туһанарга сорудахтаата.
«Бэрэсидьиэн дойдуга оҥоһуу өй сайдыытын чугастааҕы сылларга тутулун быһаарар киэҥ этиилэри киллэрдэ. Манна национальнай тыл моделларын оҥоруу, ааҕар-суоттуур кыамталарын сайыннарыы, оҥоһуу өй инфраструктуратын тэрийии уонна нормативнай быһаарыылары тупсарыы туһунан этиллэр. Дойду үрдүнэн оҥоһуу өйү киллэриини дьүөрэлиэхтээх федеральнай ыстаабы тэрийэр көҕүлээһин ураты суолталаах. Саха сиригэ ити хайысха сайдыы сирдьитинэн буолар. Биһиги оҥоһуу өй эйгэтигэр үлэни туруоруллубут соруктарга сөп түбэһиннэрэн тэрийэбит уонна наадалаах компетенциялары бигэтик сайыннарабыт. Өрөспүүбүлүкэ оҥоһуу өй инфраструктуратын сайыннарыыга улахан болҕомтону уурар. Саха сиригэр дата-кииннэр, ол иһигэр ИИ-систиэмэлэригэр аналлаах кыамталар тутуллаллар, бу аныгы быһаарыылары салгыы олоххо киллэрэргэ олугу уурар», — диэн СӨ Ил Дархана MAX мессенджергэ баар ханаалыгар иһитиннэрдэ.
Айсен Николаев эрэгийиэҥҥэ экэнэмиэкэҕэ, мэдиссиинэҕэ, үөрэххэ уонна социальнай эйгэҕэ бырассыастар көдьүүстэрин үрдэтэргэ көмөлөһөр оҥоһуу өй технологияларын кытта үлэ көхтөөхтүк барарын бэлиэтээтэ. Оҥоһуу өй эйгэтигэр Альянс кыттыытынан Сбер тэрийбит X «AI Journey 2025» норуоттар икки ардыларынааҕы кэмпириэнсийэтэ сэтинньи 19-21 күннэригэр Москваҕа ыытыллар. Быйыл тэрийээччилэр генеративнай оҥоһуу өйү быраактыкаҕа туһаныыга уонна киһи кыаҕын хаҥатарга технологиялар кыахтарын биисинэскэ уонна уопсастыбаҕа көрдөрөр кейстэргэ болҕомтолорун уурдулар.
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…
2025 сыл талааннаах бастыҥ ыччатынан Эрхаан Слепцову ааттыыбыт. “Айхал” диэн Дьулусхан Андросов таһаарбыт сахалыы киинэҕэ…
Айсен Николаев ахсынньыга Туһаайан этиитигэр ааспыт сыл ситиһиитин кэпсээтэ, кэлэр сылларга сайдыы тосхолун торумнаата, парламент,…
Бу күннэргэ күн-дьыл туруга хайдаҕый? Күнү-дьылы кэтээн көрөөччүлэр туох дииллэрий? Саха сирин арҕаа, соҕуруулуу-арҕаа ,…