Парламент эрэгийиэннээҕи сугулааныгар Ил Дархан Айсен Николаев «Биир ньыгыл Арассыыйа» , «КПРФ», «Сиэрдээх Арассыыйа», «ЛДПР» фракция бэрэстэбиитэллэрин кытта өрөспүүбүлүкэ 2023 сыллааҕы бүддьүөтүн уонна 2024-2025 сылларга бүддьүөт былаанын кэпсэттэ.
«Бүгүҥҥү күҥҥэ өрөспүүбүлүкэ салалтатын сүрүн соруга — дойдубут кыайарын туһугар туруоруллубут соруктары быһаарыы буолар. Анал байыаннай эпэрээссийэҕэ сыһыаннаах боппуруостар уонна байыаннай сулууспалаахтарга, кинилэр дьиэ кэргэттэригэр эбии төлөбүрдэр тустарынан буолар», — диэн бэлиэтээтэ Айсен Николаев.
Эрэгийиэн аҕа баһылыга өрөспүүбүлүкэҕэ быстах байыаннай хомуурга үлэлэһиигэ өйөбүллэрин улонна көмөлөрүн иһин дьокутааттарга махтанна.
Айсен Николаев бэлиэтииринэн, бүгүҥҥү күҥҥэ былаан быһыытынан аан бастакынан быстах хомуурга барбыт дьоммут экипировкаларын, туттар тэриллэрин хааччыйыы буоларын эттэ. Ону сэргэ сүрүн болҕомтону быстах хомуурга барбыт дьон дьиэ кэргэттэригэр уурарга наадалааҕын ыйда. Кинилэргэ үп-харчы уонна өй-санаа өттүнэн өйөбүл наадатын эттэ. Манна түргэн быһаарыныылаах үлэ ирдэнэр. Ил Дархан бэлиэтииринэн, быстах хомуурга барбыт дьон дьиэ кэргэнэ дохуоттарыттан тутулуга суох көмөнү ылыахтаахтар.
Эрэгийиэн аҕа баһылыга дьокутааттары нэһилиэнньэҕэ өйдөтөр, быһаарар уонна аҕытаассыйалыыр үлэни ыытарга сорук туруорда.
Күн-дьыл туруга хайдаҕый? Дьокуускайдааҕы гидрометеорологическай сулууспа тугу иһитиннэрдэ? Соҕуруулуу-арҕаа, соҕуруулуу-илин, илин, хотугулуу-илин кыралаан ардыа, инчэҕэй…
Емельян Ярославскай аатынан түмэлгэ Аан дойдутааҕы түмэл күнүгэр анаммыт ''Түмэл түүнэ'' тэрээһиҥҥэ элбэх интэриэһинэй экскурсиялар,…
Өрөспүүбүлүкэ сиригэр-уотугар халаан туругун ыам ыйын 18 күнүгэр ыксаллаах балаһыанньаны сэрэтиигэ уонна туоратыыга хамыыһыйа мунньаҕар…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга ылларан, олохтоохтору…
Ыам ыйын 17 күнүгэр Нам улууһугар «Библионочь-2024» Бүтүн Арассыыйатааҕы аахсыйа Арассыыйаҕа Дьиэ кэргэн сылын чэрчитинэн…
Бүгүн, ыам ыйын 18 күнүгэр, Аан дойду үрдүнэн Түмэл күнэ бэлиэтэнэр. Бу күнү көрсө Амматааҕы…