Убаастабыллаах Саха сирин олохтоохторо!
Эһигини Саха Өрөспүүбүлүкэтин салалтатын уонна тус бэйэм ааппыттан Аҕа дойду Дьоруойдарын күнүнэн итиитик-истиҥник эҕэрдэлиибин!
Бүгүн биһиги хаһааҥҥытааҕар даҕаны Ийэ дойдуга бэриниилээх дьону, дьоруойдары иитэн таһаарыы хайдахтаах курдук суолталааҕын өйдүүбүт.
Уустук кэмҥэ Саха сирин олохтоохторо өрүү бэйэлэрин дойдуларын кытта бииргэлэр. Арассыыйа аныгы көлүөнэтин дьоно дойдуларыгар бэриниилээхтэрин көрдөрөн, Аҕа дойдуну көмүскээччи быһыытынан инники күөҥҥэ сылдьаллар. Хас биирдии дьиэ кэргэҥҥэ биһиги аҕаларбыт уонна эһэлэрбит үтүө үгэстэрэ умнуллубаттыы иҥэн сылдьар.
Күндү Аҕа дойду Улуу сэриитин кыттыылаахтара, тыыл бэтэрээннэрэ! Арассыыйа бүгүҥҥү көлүөнэтигэр эһиги тулхадыйбат эр санааҕыт, хорсун-хоодуот быһыыгыт холобур быһыытынан сыаналанар. Сындалҕаннаах биэс сыл устата биһиги буойуттарбыт Улуу Кыайыыга тиийэр иһин хаан тохтуулаах сэриигэ бэйэлэрин доҕотторун төһөлөөх сүтэрбиттэрэй, ол эрээри хайдахтаах да ыарахан кэмҥэ эрдээх санааларын булгуруппатахтара, өстөөхтөрүн өһөрөн испиттэрэ.
Сэрии сылларын кэнниттэн биһиги Дьоруойдарбыт үлэҕэ бэриниилэринэн, туруоруммут соруктарын ситиһэллэринэн, дьаныардарынан биһиэхэ тыыннаах холобурунан буолбуттара. Кинилэр хайдах хорсуннук сэриилэспиттэрэй да, оннук ис дууһаларын ууран үлэлээбиттэрэ. Дойду бүгүҥҥү Дьоруойдара – байыаннай эпэрээссийэҕэ сылдьар дьоммут: кадровай байыаннайдар, хантараагынан сулууспалааччылар, бэйэлэрин баҕа өттүлэринэн уонна байыаннай сулууспаҕа ыҥырыллан бойобуой эпэрээссийэҕэ кыттар дьон эйэлээх олох, кэскилбит иһин туруулаһаллар. Биһиги өрөспүүбүлүкэбит кинилэри бары өттүнэн өйүүр, дьиэ кэргэттэригэр араас көмөнү оҥорор.
Убаастабыл уонна махтал истиҥэ — Дьоруойдары иитэн таһаарбыт төрөппүттэргэ, кинилэр дьиэ кэргэттэригэр уонна оҕолоругар.
Бу күн биһиги дойду уонна өрөспүүбүлүкэ устуоруйатыгар кыһыл көмүс буукубанан суруллубут дьоруойдары чиэстиибит уонна кинилэр ааттарын оскуолаларга, уулуссаларга иҥэрэбит. Кинилэр тустарынан көлүөнэттэн көлүөнэҕэ кэпсиэхпит. Биһиги кинилэринэн хас биирдиилэринэн киэн туттабыт.
Аҕа дойду Дьоруойдарыгар үйэлэргэ умнуллубат албан аат!
Саха Өрөспүүлүкэтин Ил Дархана Айсен Николаев.
Саас харалдьык саҕана тымныыны, хаары-ардаҕы билиммэккэ нуоҕайа үүнэр кэрэчээн ньургуһун сибэккини хоту сир дьоно олоххо…
Бүгүн Аан дойдуга Түмэл күнэ. Бу бэлиэ күнүнэн Емельян Ярославскай аатынан Хотугу норуоттар устуоруйаларын уонна…
Ыам ыйын 18 күнүнээҕи туругунан, Өлүөнэ өрүскэ муус барыыта Нам улууһун сиринэн-уотунан бэлиэтэнэр. Дьону Аллараа…
СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар министиэристибэ иһитиннэрбитинэн, бүгүн Өлүөхүмэҕэ …
Сунтаар Кэмпэндээйитигэр котлованнай ньыманан элбэх кыбартыыралаах дьиэ тутуута саҕаланна. Бу туһунан улуус дьаһалтатын пресс-сулууспата иһитиннэрдэ.…
Бэйэтин уруккутун сыаналыыр, ытыктыыр нэһилиэк кэскиллээх. Харбалаахтааҕы үөрэхтээһин холбоһугар быйыл кыһын оскуола түмэлин архыыбын матырыйаалын…