Ил Дархан Айсен Николаев Аллараа Халыма улууһугар үлэлиир

Бүгүн, бэс ыйын 2 күнүгэр, Ил Дархан Айсен Николаев Аллараа Халыма улууһугар үлэлиир. Кини Черскэй бөһүөлэгэр саҥа тутуллар энергокомплекс былаһааккатын көрдө.

«Оройуон олохтоохторо уотунан-күөһүнэн эрэллээх хааччыйыыны туруорсубуттара ыраатта. Билигин 12 мВт күүстээх саҥа энергокомплекс тутулла турар. Тутуу былаан быһыытынан ыытыллар, кыраапыктан хаалыы бэлиэтэммэт. Бу сыл балаҕан ыйын 1 күнүгэр үлэҕэ киириэ диэн эрэннэрдилэр», — диэн Ил Дархан телеграм-ханаалыгар суруйда.