Сайаана Львова хаартыската.
Бүгүн, ахсынньы 22 күнүгэр, аҕыйах мүнүүтэнэн Саха Өрөспүүбүлүкэтин Ил Дархана Айсен Николаев Ил Түмэҥҥэ анаан Анал этиитин оҥоруо. Айсен Николаев Ил Дарханынан талыллан өрөспүүбүлүкэни салайарын устата бу алтыс Анал этиитэ буолар.
Бүгүн Ил Түмэн дьокутааттара, СӨ Бырабыыталыстыбатын чилиэттэрэ, министиэристибэлэр, биэдэмистибэлэр, онтон да атын араас тэрилтэлэр салайааччылара, уопсастыба диэйэтэллэрэ, анал байыаннай дьайыы кыттыылаахтара Бырабыыталыстыба Өрөспүүбүлүкэ саалатыгар муһуннулар. Үгэс курдук Ил Дархан Анал этиитигэр ааһан эрэр сыл түмүгүн таһаарыа, социальнай-экэнэмиичэскэй сайдыы хайысхатыгар, чугас уонна уһун кэмнээх кэскили торумнуо. Мэлдьи буоларын курдук, ааһан эрэр сыл түмүгүн таһаарарыгар, 2023 с. биллэрбит Үлэ сылыгар аналлаах тэрээһиннэри, ситиһиилэри бэлиэтээн ааһыа. Бэлиэтээн эттэххэ, Ил Дархан былырыын туруорбут сүрүн соруктара туолан, Саха сирэ бары хайысхаҕа Уһук Илин уокурукка эрэ буолбакка, бүтүн Арассыыйа үрдүнэн бастыҥ көрдөрүүлээхтэр ахсааннарыгар киирдэ.
Онтон бүгүн чуолаан, тугу этэрэ өссө да биллэ илик. Дойдуга байыаннай эпэрээссийэҕэ сыһыаннаах, онно кыттыбыт дьоҥҥо, кинилэр дьиэ кэргэттэригэр көмө, өйөбүл миэрэлэрэ сүрүн этиигэ киириэхтэрэ диэн сабаҕалыахха сөп. Биллэн турар, дьон олоҕо, киһи сыаннаһа биһиэхэ үрдүктүк тутулларынан, Саха сирин хас биирдии олохтооҕун олоҕун таһыма үрдүүрүгэр, уйгута улаатарыгар сорук туруо дии саныыбыт. Итини сэргэ, бу ааспыт Анал этиилэргэ үгүстүк таарыллыбытынан сылыктаатахха, Арктика сайдыытын инники кыахтара, бүддьүөт үлэһиттэрин хамнастарын үрдэтии, тыа хаһаайыстыбатын итиэннэ бырамыысыланнаһы сайыннарыы боппуруостара эмиэ болҕомто киинигэр тутуллуохтара.
Бу сыл тохсунньуттан ыам ыйыгар диэри «Якутскэнергосбыт» хампаанньа 50 мөл. солк. тахса суумалаах хомунаалынай өҥөлөр…
Политолог, суруналыыс Чокуур Гаврильев ырытар.
От ыйыгар ГАИ үлэһитин тохтобулга ирдэбилин толорботох иһин ыстараап 12,5 төгүл үрдүөҕэ, ОСАГО полиһа суох…
От ыйын 1 күнүгэр Национальнай бэчээт күнэ бэлиэтэнэр. Бырабыыталыстыба дьиэтигэр сахалыы тыллаах көрдөрөр-иһитиннэрэр сириэстибэлэр үлэһиттэригэр,…
Саха сиригэр сыл саҕаланыаҕыттан байыаннай дьайыы 32 кыттыылааҕа уонна байыаннай сулууспалаахтар 85 дьиэ кэргэттэрин чилиэнэ…
Бу сыл тохсунньу 10 күнүгэр буруйдаах дьахтар Кырдьаҕастар уонна инбэлииттэр өрөспүүбүлүкэтээҕи интэринээт-дьиэлэрин дириэктэрин дуоһунаһыттан ууратыллыбыта.…