Ил Дархан Айсен Николаев Анал этиитин оҥоруоҕа

Ахсынньы 23 күнүгэр олохтоох бириэмэнэн 12.00 ч. СӨ Ил Дархана Айсен Николаев сыл аайы ыытыллар Ил Түмэҥҥэ Анал этиитин оҥоруоҕа.

Бу туһунан «Россия 24» телеханаалга «Прямой разговор» биэриигэ иһитиннэрдэ.

—Быйыл Анал этии ахсынньы 23 күнүгэр күнүс 12 ч. буолуоҕа. Үгэс курдук быһа эпииргэ көрдөрүөхтэрэ. Мин дойдуга уонна биһиги өрөспүүбүлүкэбитигэр судургута суох сылга түмүктэри, 2026 сылга ситиһиэхтээх уопсай сыалбытын-сорукпутун иһитиннэриэҕим. Биһиги уопсай сыалбыт, Саха сирэ өрүү инники күөҥҥэ сылдьыахтаах, бары бииргэ иннибит диэки!— диэн эттэ Айсен Николаев.

Тэрээһин үгэс курдук 1 №-дээх Бырабыыталыстыба дьиэтигэр Өрөспүүбүлүкэ саалатыгар буолуоҕа. Аенал этиини «Саха» НКИХ, араадьыйаҕа, Ил Дархан социальнай ситимнэригэр көрүөххүт, истиэххит.

Сиһилии: https://www.sakha.gov.ru/news/17173

СӨ Ил Дарханын уонна Бырабыыталыстыбатын пресс-сулууспата

Андрей Сорокин хаартыскаҕа түһэриитэ, ЯСИА