Саха сиригэр маассабай тэрээһиннэри ыытыыга куттал суох буолуутун дьаһалларын күүһүрдүөхтэрэ

Ил Дархан Айсен Николаев антиреррористическай хамыыһыйаны уонна суһал ыстаабы кытта мунньахтаата. Ол курдук сугулааҥҥа антитеррористическай өттүнэн көмүскэллээх буолууга эбии миэрэлэри ылыы туһунан кэпсэттилэр. 

Ил Дархан Айсен Николаев бэлиэтииринэн, байыаннай дьайыы усулуобуйатыгар РФ Бырабыыталыстыбата уонна антитеррористическай көмүскэллээх буолууну хааччыйыы Национальнай кэмитиэтэ туруорбут соруктара толоруллуохтаахтар.  Ол курдук, терроризмы утары бары миэрэни ылыыга сэрэтэр үлэлэр ыытыллыахтаахтарын иһитиннэрдэ.

Мунньахха быраабы уонна территорияны араҥаччылыыр уорган салайааччылара кыттыыны ыллылар. Бу туһунан СӨ Ил Дарханын уонна Бырабыыталыстыбатын пресс-сулууспата иһитиннэрэр.