Ил Дархан Айсен Николаев Антон Силуановы кытта көрүстэ

Ыам ыйын 21 күнүгэр Ил Дархан Айсен Николаев РФ үпкэ миниистирэ Антон Силуановы кытта көрүстэ.

Көрсүһүү кэмигэр өрөспүүбүлүкэ тутаах боппуруостара дьүүллэһилиннилэр, ол иһигэр билиҥҥи экэнмиичэскэй балаһыанньаҕа өрөспүүбүлүкэ бүддьүөтүн туолуута, ону тэҥэ хоту таһаҕаһы тиэйиинэн хааччыйыы.

Айсен Николаев федеральнай министиэристибэтин өттүттэн өйөбүлү ылбыт салгыы бииргэ үлэлээһиҥҥэ кэккэ этиилэри киллэрдэ.

«Антон Германовичка өйөбүлүн иһин махтанабын. Ылыныллыбыт быһаарыылар Саха сирин бары олохтоохторугар эрэллээх буолууларын хааччыйыыга көмөлүүр», — диэн Ил Дархан бэлиэтээтэ. Бу туһунан СӨ Ил Дарханын уонна Бырабыыталыстыбатын пресс-сулууспата суруйар.