Хаартыска: www.sakha.gov.ru
Саха сирин элбэх омуктаах норуотун уонна тус бэйэм ааппыттан Арассыыйа Бэрэсидьиэнин Владимир Владимирович Путины төрөөбүт күнүнэн эҕэрдэлиибин! Владимир Владимирович – бүтүн модун Арассыыйа киэн туттар лиидэрэ.
Биһиги өрөспүүбүлүкэбит хайдах сайдарын, Саха сирин дьонун олоҕун хаачыстыбатын тупсарарга туһаайыллыбыт хас бырайыак олоххо киирэрин бары көрө сылдьабыт. Оскуолалар, балыыһалар, олорор дьиэлэр, успуорт уонна култуура эбийиэктэрэ тутуллаллар. Барыта дьон туһугар! Өрөспүүбүлүкэ нэһилиэнньэтин ахсаана эбиллэр, бу аата дьон манна олоруон, оҕотун иитиэн баҕарар. Саха сирин өрүү өйүүрүн, болҕомтотун иһин Владимир Владимировичка махтанабын. Биһиги бу өйөбүлү үрдүктүк сыаналыыбыт.
Иллэрээ күн эрэ, 2021 сыллаахха ойуур баһаарыттан эмсэҕэлээбит Горнай улууһун Бэс Күөл сэлиэнньэтигэр, Бэрэсидьиэн быһаччы сорудаҕынан тутуллубут саҥа оскуоланы арыйдыбыт. Дьон үөрүүтүн тылынан тиэрдиллибэт. Владимир Владимирович Путин кыһамньытынан кыра сэлиэнньэ олохтоохторун баҕа санаата туолла.
Кини курдук күүстээх, муударай, ырааҕы көрөр Бэрэсидьиэн салайыытынан биһиги дойдубут аан дойдуга Арассыыйа норуотун таһынан, атын норуоттар биир күүстээх державаларынан, тирэҕинэн, эрэлинэн буолар.
Күндү Бэрэсидьиэммит, төрөөбүт күҥҥүнэн! Кытаанах доруобуйаны, үтүө туругу уонна Арассыыйа туһугар саҥа кыайыылары! Бииргэ тутуспутунан иннибит эрэ диэки!
Бүгүн, ахсынньы 12 күнүгэр, Нам улууһун Остуолба, Таатта улууһун Булуҥ уонна Томтор, Уус Алдан улууһун…
Бүгүҥҥүттэн, ахсынньы 12 күнүттэн, РФ Конституциятын күнүгэр Дьокуускайга «Объединяя лучшее - быть первым!» диэн ааттаах…
Дьокуускай полицията Юлия уонна Руслан Липадаттары көрдүүр. Кинилэр бу сыл ахсынньы 5 күнүттэн ыла аймахтарын…
Саха сиригэр үс вьетнамец үлэлииллэригэр көҥүллэммит идэлэринэн буолбакка, атынынан дьарыктана сылдьаллара биллибит. Кинилэр кафеҕа үлэлии…
Дьокуускай полициятын дьуһуурунай чааһыгар биэнсийэлээх дьахтар 16 тыһ.солк. суумалаах төлөпүөнүн күүһүнэн былдьаабыттарын туһунан иһитиннэрбит. Полиция…
Бүгүҥҥүттэн, ахсынньы 12 күнүттэн, өрөспүүбүлүкэ бары киинэ тыйаатырдарыгар "Аптаах дорҕоон" киинэ көстүөҕэ. Саҥа киинэҕэ Алексей…