Хаартыскаҕа Мария Васильева түһэриитэ
Муора пехотатын 155-м гвардейскай биригээдэтин рядовойа, Арассыыйа дьоруойа Дмитрий Егоровы тиһэх суолугар атаарар тэрээһин бүгүн Суорун Омоллоон аатынан Опера уонна балет судаарыстыбаннай тыйаатырыгар ыытылынна.
Донецкай Народнай Өрөспүүбүлүкэтин Новомайорскай нэһилиэнньэлээх пуунун таһыгар сабырыйар ахсааннаах утарылаһааччыны кытта киирсэ сылдьан, саха ыччата Дмитрий Егоров Украина сэбилиниилээх күүстэрин штурмовой бөлөҕүн сорох чааһын кырган, өстөөҕү чугуйарга күһэйбитэ. Бу кыргыһыыга байыас ыарахан бааһырыыны ылан, сырдык тыына быстыбыта.
— Арассыыйа Дьоруойа Дмитрий Николаевич Егоров чаҕылхай олоҕу олорон ааста. Ийэ дойдуга бэриниилээх буолан, дойдутун кэскилин туһугар олоҕун толук ууран, хорсун быһыы холобурун көрдөрдө. Мин кини биир дойдулааҕа, Саха сирин олохтооҕо буоларбынан киэн туттабын, — диэтэ бырастыылаһыы кэмигэр Ил Дархан Айсен Николаев.
Тиихэй акыйаан флотун командующайын бастакы солбуйааччы, вице-адмирал Сергей Рекиш Арассыыйа Дьоруойун аҕатыгар Николай Алексеевич Егоровка «Кыһыл Сулус» мэтээли туттарда.
Дмитрий Николаевич Егоров тохсунньу 27 күнүгэр 1975 сыллаахха Сунтаар улууһун Тойбохой нэһилиэгэр Егоровтар дьиэ кэргэттэригэр үһүс оҕонон күн сирин көрбүтэ. 1991 сыллаахха Арыылаах орто оскуолатын бүтэрбитэ. Икки оҕолоох.
Арассыыйа Дьоруойа Дмитрий Егоров көмүс уҥуоҕун бары байыаннай чиэстээһини толорон, төрөөбүт дойдутугар харайыахтара.
От ыйын 9 күнүгэр киэһэ хойут Саха сирин быыһааччылара тыаҕa муммут 85 саастаах киһини көрдүү…
Хаҥалас улууһун борокуратууратын бэрэбиэркэтин түмүгэр, улуус дьаһалтата бэдэрээччиккэ успуорт былаһааккатын тутууга аспаал-бетон бүрүөһүнүн тэлгээһин уонна…
От ыйын 9 күнүгэр Дьокуускай куорат сиригэр-уотугар 9 суол саахала бэлиэтэннэ, онтон бииригэр биир киһи…
Саха сиригэр сир аһын маассабайдык хомуйуу болдьоҕо бигэргэннэ. Ол курдук, от ыйын 10 күнүттэн хас…
Сэрэдэҕэ, от ыйын 9 күнүгэр, Саха сиригэр 5 буруйу оҥоруу тахсыбыта бэлиэтэммит. Бу туһунан СӨ…
«Медведь» позывнойдаах Алексей Петров РФ Бэрэсидьиэнэ Владимир Путин 2025 сыл от ыйын 6 күнүнээҕи Ыйааҕынан…