Бүгүн, муус устар 27 күнүгэр, Ил Дархан АЙсен Николаев Российскай Федерация уонна Саха Өрөспүүбүлүкэтин судаарыстыбаннай наҕараадаларын Саха сирин олохтоохторугар туттарда.
Ил Дархан Айсен Николаев 294 №-дээх ыйааҕынан, биллэр судаарыстыбаннай уонна хаһаайыстыбаннай диэйэтэл, «Бочуот знага», Доҕордоһуу уордьаннар кавалердара, РФ култууратын үтүөлээх үлэһитэ, СӨ норуотун хаһаайыстыбатын үтүөлээх үлэһитэ, Дьокуускай, Ньурба, Мэҥэ Хаҥалас улуустарын бочуоттаах олохтооҕо Иван Петрович Спиридонов Саха Өрөспүүбүлүкэтин социальнай-экэнэмиичэскэй сайдыытыгар кылаатын, уһун сылларга таһаарыылаах үлэтин уонна уопсастыбаннай-бэлитиичэскэй үлэтин иһин «Хотугу сулус» уордьанынан наҕараадаланна.
Ил Дархан Айсен Николаев 295 №-дээх ыйааҕынан, М.К.Аммосов аатынан ХИФУ Мэдиссиинискэй университетын «Нормальная и патологическая физиология» кафедратын профессора, мэдиссиинискэй наукалар дуоктара, СӨ Наукаларын академиятын академига, РФ үрдүкү оскуолатын үтүөлээх үлэһитэ, СӨ наукаларын үтүөлээх диэйэтэ Пальмира Георгиевна Петроваҕа СӨ доруобуйа харыстабылыгар үрдүк квалификациялаах каадырдары бэлэмнээһиҥҥэ уһулуччулаах үтүөтүн, өрөспүүбүлүкэ социальнай-экэнэмиичэскэй сайдыытыгар кылаатын, уһун сылларга таһаарыылаах уопсастыбаннай үлэтин иһин «Саха Өрөспүүбүлүкэтин Бочуоттаах олохтооҕо» бочуоттаах аата иҥэрилиннэ.
Ил Дархан Айсен Николаев 297 №-дээх ыйааҕынан, Арассыыйа Суруналыыстарын сойууһун чилиэнэ, СӨ бэчээтин уонна култууратын туйгуна, Сунтаар уонна Таатта улуустарын бочуоттаах олохтооҕо Иван Игнатьевич Николаевка Саха сирин историятын үөрэтиитигэр өр сыллаах айар үлэтин, СӨ судаарыстыбаннаһын тирэҕин оҥорууга кылаатын иһин П.А. Ойуунускай аатынан Судаарыстыбаннай бириэмийэ туттарылынна.
Сиһилии манна ааҕыҥ.
Сарсын, ыам ыйын 21 күнүттэн, Дьокуускай — Аллараа Бэстээх маршрутунан салгын суудунанан таһыы тарыыба түһэн,…
Билигин ыам ыйыгар ырыынактарынан арассаада үүннэрэр усулуобуйата, солото суох киһи ырыынакка баран атыылаһара чуолкай. Ол…
Ил Дархан Айсен Николаев сорудаҕынан Бырабыыталыстыба бэрэссэдээтэлин бастакы солбуйааччы Дмитрий Садовников салайааччылаах уу содулун туоратар…
Нам улууһугар халаан уутуттан 21 ыал уһаайбата босхолонно, ол иһигэр Граф Биэрэгэр уонна Ымыйахтаах сэлиэнньэлэригэр…
Горнай улууһун Бэрдьигэстээх сэлиэнньэтигэр ыам ыйын 20 күнүгэр биэс ынах биир тэҥинэн өлбүттэрин төрүөтүн быһаараллар.…
Арассыыйа ЫБММ сүрүн управлениетын Саха сиринээҕи ыксаллаах быһыы-майгы управлениетын киинэ иһитиннэрэринэн, бэнидиэнньик киэһэ, ыам ыйын…