Ытыктабыллаах Саха сирин олохтоохторо!
Саха Өрөспүүбүлүкэтин салалтатын уонна тус бэйэм ааппыттан Арассыыйаҕа Аҕа күнүнэн итиитик-истиҥник эҕэрдэлиибин!
Бу бэлиэ күн РФ Бэрэсидьиэнэ Владимир Путин ыйааҕынан 2021 сыллаахха тэриллибитэ. Бу даатаны судаарыстыба таһымыгар бэлиэтээһин — дьиэ кэргэн олоҕор уонна оҕоҕо аҕа оруолун үрдэтии, билинии буолар. Тапталлаах аҕа — дьиэ кэргэн бигэ тирэҕэ, мындыр сүбэһит, уһуйааччы уонна көмөлөһөргө мэлдьи бэлэм, оҕолорго холобур буолар.
Аҕа буолуу — бу судургута суох эппиэтинэс. Дьиэ кэргэн дьоллоох, эйэлээх олохтоох, оҕолор, сиэннэр кэскиллэрин туһугар кини ытык иэстээх. Аҕа үтүө майгытынан оҕолорго холобур буолар.
Быйыл биир дойдулаахпыт Гаврил Онуфриев дьиэ кэргэн иккис оҕотугар, өрөспүүбүлүкэҕэ биир мөлүйүөннээх олохтооҕунан буолбут Саина аҕатынан буолла. Бу биир ыалга буолбут улахан үөрүү — Саха сирин устуоруйатыгар, дьон-сэргэ өйдүү-саныы сылдьарыгар суолталаах бэлиэ түгэн. Өрөспүүбүлүкэҕэ элбэх оҕолоох ыал ахсаана элбээн иһэр.
Саха сиригэр аҕа бастыҥ өрүттэрин көрдөрөр тэрээһин арааһа тиһиктээхтик тэриллэн ыытыллар. Ол курдук, «Сыл бастыҥ дьиэ кэргэнэ», «Аҕалар күрэхтэһиилэрэ». 2007 сыллаахха тэриллибит «Аҕалар лигалара» уопсастыбаннай түмсүү ситиһиилээхтик үлэлиир. «Ытык аҕа» бочуоттаах бэлиэнэн оҕону иитиигэ уонна уопсастыбаннай олоххо көхтөөх үлэлээх элбэх оҕолоох аҕалар бэлиэтэнэллэр.
Быйыл сайын «Сыл аҕата» диэн өрөспүүбүлүкэтээҕи улахан күрэхтэһии аан бастаан тэриллэн ыытылынна. Өрөспүүбүлүкэттэн манна аҕалар оҕолорун кытта кытыннылар. Муҥутуур кыайыылааҕынан Алдан оройуонуттан кыттыбыт Солкиннар дьиэ кэргэн буолбуттара. Бу тэрээһин үгэскэ кубулуйуо итиэннэ өрөспүүбүлүкэбит бастыҥ ыаллара кыттар буолуохтара диэн эрэнэбин.
Байыаннай дьайыыга дойдуларын көмүскэлигэр, эйэлээх олох туһугар элбэх эр киһи турунна. Аҕалар дьиэ кэргэттэрин, төрөөбүт дойдуларын көмүскүүллэрэ улахан суолталаах. Биһиги өрөспүүбүлүкэбит байыастар дьиэ кэргэттэригэр ис сүрэҕиттэн көмөлөһөр.
Күндү аҕалар! Бу бырааһынньык күн эһиэхэ барыгытыгар эйэни, кытаанах доруобуйаны, дьиэ кэргэҥҥитигэр этэҥҥэ буолууну баҕарабын!
СӨ Ил Дархана А.С.Николаев
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…