Ил Дархан Айсен Николаев Байыаннай дьайыы бэтэрээннэрин күнүнэн эҕэрдэлээтэ

От ыйын 1 күнүгэр Арассыыйаҕа Байыаннай дьайыы бэтэрээннэрин күнүн бэлиэтииллэр. Бу бэлиэ СӨ Ил Дархана Айсен Николаев эҕэрдэлээтэ:

«Бу күн биһиги араас сылларга биһиги улуу дойдубут интэриэстэрин көмүскээбит уонна көмүскүү сылдьар, эйэлээх олох уонна көҥүл иһин охсуһар дьоммутун чиэстиибит уонна кинилэргэ дириҥ ытыктабылбытын биллэрэбит. Биһиги хас биирдиибит кэскиллээх буоларын туһугар олохторун толук уурбут дьоммутун ахтабыт-саныыбыт. Умнубаппыт, махтанабыт! Саха сирин байыаннай дьайыыларын бары бэтэрээннэригэр килбиэннээх сулууспаларын иһин махтанабын! Саамай истиҥ тылларым уонна өйөбүлүм — биһиги хорсун буойуннарбытыгар, анал байыаннай дьайыы кыттыылаахтарыгар. Саха сирэ киэн туттар! Кыайыы биһиэнэ буолуоҕа!» — диэн Айсен Николаев бэйэтин ТГ-ханаалыгар суруйда.