Ил Дархан Айсен Николаев байыаннай изоляторга тахсыбыт баһаар өлбүттээхтэрин дьиэ кэргэттэригэр кутурҕанын биллэрдэ

СӨ Ил Дархана Айсен Николаев Дьокуускайга байыаннай изоляторга  тахсыбыт баһаарга суорума суолламмыт дьон дьиэ кэргэттэригэр кутурҕанын биллэрдэ. Кини баһаар саҕаланыаҕыттан бары сулууспалартан балаһыанньа туһунан сураҕы-садьыгы тута олорорун бэлиэтээтэ. Кини этэринэн, умайыы туохтан тахсыбытын туһунан хас да сабаҕалааһын баар.

«Билигин байыаннай силиэстийэлиир уорганнар үлэлииллэр. Араас сабаҕалааһын баар, ол эрээри мин билигин ити туһунан эппэппин. Ити кинилэр үлэлэрэ», — диэн эппитэ.

Кини бары миэрэлэр ылыллыбыттарын, буруйдаахтар биллэн накаастабылы ылыахтарын туһунан бэлиэтээтэ. Саха сирин байыаннай комиссариатыгар иһитиннэрбиттэринэн, баһаар ахсынньы 19-20 түүнүгэр Дьокуускайга байыаннай изоляторга тахсыбыт. Изоляторга  байыаннай чааһы бэйлэрин баҕаларынан хаалларбыт байыаннайдар бааллар эбит. Баһаар түмүгэр биэс киһи өлбүт. Сэттэ киһи эмсэҕэлээбит.