Хаартыска sakha.gov.ru ылылынна.
Ил Дархан Айсен Николаев Саха сириттэн сылдьар байыастары кытары көрүстэ.
СӨ Ил Дархана Айсен Николаев байыаннай дьайыы сиригэр-уотугар үлэтинэн уочараттаах сырыытын кэмигэр, Саха сириттэн сылдьар байыаннай сулууспалаахтары кытары көрүстэ. Кини хас да подразделениеттан байыастары, ол иһигэр «Боотур» добровольческай этэрээт байыаннай сулууспалаахтарын, Чуумпу акыйаан флотун муора пехотатын биригээдэтин, уо.д.а. кытары кэпсэттэ. Эбии тиэхиньикэни, тэриллэри, массыыналары, квадроцикллары уонна гуманитарнай көмөнү өрөспүүбүлүкэ аатыттан туттарда.
Ил Дархан байыастарга махтанна уонна Саха сирэ бүттүүнэ бэйэтин дьоруойдарынан киэн туттарын уонна кинилэри дьиэлэригэр кэтэһэллэрин эттэ.
«Эһиги иннигитигэр туруоруллубут бойобуой сорудахтары чиэстээхтик толорон, хорсун-хоодуот буолуу холобурун көрдөрөҕүт. Биһиги барыгытынан киэн туттабыт», — диэтэ Айсен Николаев.
Сэһэргэһии кэмигэр байыастар өрөспүүбүлүкэ салалтатыгар, Саха сирин олохтоохторугар көмөлөрүн, өйөбүллэрин иһин махтаннылар.
«Өрөспүүбүлүкэ биһигини күүскэ өйүүр. Тапталлаах Сахабыт сирэ биһигини туох наадалааҕынан барытынан хааччыйар. Эрэллээх тыыллаахпыт», — диэн «Якут» позывнойдаах байыаннай сулууспалаах эттэ.
Санатан эттэххэ, Ил Дархан Айсен Николаев быһаарыытынан тэриллибит Саха сирин Биир кэлим сүрүннүүр киинэ байыаннай сулууспалаахтарга уонна кинилэр дьиэ кэргэттэригэр бары боппуруостары быһаарарга көмөлөһөр. Байыастарга бары өттүнэн көмөнү оҥорууга ситимнээх үлэни тэнитэргэ туһуламмыт мэхэньиисим оҥоһуллубута. Түөрт тирэх пуун тэриллибитэ Саха сириттэн тиийбит малы-салы уурарга, таһарга, тиэрдэргэ, о.д.а. боппуруостары тобуларга көмөлөөҕө бэлиэтэнэр. Кэлим сүрүннүүр киин социальнай боппуруостары быһаарыыга эмиэ көмөлөһөр.
Саха сирэ байыастарга тырааныспарынан, оптиканан, ол иһигэр «Сокол» квадроциклларынан, уо.д.а. көмөлөһөр, өйүүр. «Хоту Тент» оҥоһуктара, тиэхиньикэ, пилота суох көтөр аппарааттар, о.д.а. наадалаахтара өйдөнөр.
СӨ Ил Дарханын уонна Бырабыыталыстыбатын пресс-сулууспата
Үөрэх үгүс кыһаларыгар оҕолор икки ардыларыгар араас сыһыан баар буолар. Доҕордоһуу, кэпсэтии, тэрээһиннэргэ кыттыы, ону…
Аныгы үйэҕэ күннээҕи олохпутугар туох буортулааҕын, киһи этигэр-сиинигэр хайдах дьайарын биллэхпитинэ, быһаарыстахпытына эрэ, бэйэбит уонна…
Оҕону көрөргө уоппусканы ийэ эрэ ылыахтаах диэн буолбатах. Сокуон быһыытынан аҕа, эбээ, эһээ, атын аймахтар…
Бүгүн кэпсэтэр киһим, Угледар хайысхатынан сылдьыбыт, Бүлүү улууһуттан төрүттээх «Дуолан» диэн позывнойдаах штурмовик Борис Иванов…
Дьокуускайга Бүлүүттэн 16 саастаах оҕону санрейсинэн аҕаллылар. Кини балаҕан ыйын 11 күнүгэр суол саахалыгар эчэйбит…
Горнай улууһун дьаһалтатын исписэлиистэрэ Горнайдааҕы экологическай кэтэбил иниспиэксийэтин кытары бииргэ Бүтүн Арассыыйатааҕы «Өйдөбүл саада» экологическай…