t.me/aisen_nikolaev
Ил Дархан Айсен Николаев Беларусь Өрөспүүбүлүкэтин Бэрэсидьиэнин Александр Григорьевич Лукашенконы кытта көрсөн кэпсэппитин, көрсүһүүгэ кинилэр бииргэ үлэлээһин кэскилин, сайдыытын туһунан дьүүллэспиттэрин бэйэтин Telegram-каналыгар суруйар.
Айсен Николаев бииргэ үлэлээһин үгэс курдук элбэх хайысханы хабарын, ол иһигэр, атыы-эргиэн, бырамыысыланнас, тыа хаһаайыстыбата, успуорт уонна үөрэх хайысхалара киирэллэрин бэлиэтиир. Кини табаары эргитии Саха сирин уонна Беларусь Өрөспүүбүлүкэтин икки ардыгар биллэ улааппытын, түөрт сылга 8,2 төгүл буолбутун ыйар.
Көрсүһүүгэ кэскиллээх хайысхалары дьүүллэспиттэр уонна былааны кэҥэтэри көрбүттэр. Бастакынан, атыы-эргиэн кээмэйин улаатыннарыы, чуолаан, аһы-үөлү уонна улахан тиэхиньикэлэрин быһаччы хааччыйыы туһунан буолара бэлиэтэнэр. Маныаха А.Лукашенко Саха сирэ сэргиир, наадыйар табаарын кинилэр улаатыннарарга бэлэмнэрин эппит. Маны таһынан атын эйгэлэргэ бииргэ үлэлээһини кэҥэтиини дьүүллэспиттэр.
Ил Дархан А.Г.Лукашенкоҕа эрэгийиэннэр икки ардыларынааҕы бииргэ үлэлээһиҥҥэ уонна холбоһуктаах бырайыактары олоххо киллэриини өйүүрүгэр, болҕомтотун уурарыгар махтаммыт.
«Биһиги көрсүһүүбүт Саха сирин уонна Беларусь Өрөспүүбүлүкэтин икки ардыларыгар доҕордуу сыһыаны бөҕөргөтөргө саҥа түһүмэҕинэн буолуоҕар эрэнэбин», — диэн бэлиэтиир Ил Дархан.
t.me/aisen_nikolaev
Саҥа дьыл саҕана үгүс хаһаайкалары бырааһынньык остуола долгутар. Саҥа дьыллааҕы салааттар, ас-үөл барыта сыалаах-арыылаах. Бырааһынньык…
Амма улууһун Соморсун нэһилиэгэр кыстык этэҥҥэ ааһа турар. Хаһаайыстыбаларга 468, пиэрмэрдэргэ 359 сылгы эбии аһылыкка…
Бүгүн, ахсынньы 22 күнүгэр, 13:45 чааска Булуҥ улууһун Бороҕон нэһилиэгин баһылыгын солбуйааччы Биир кэлим диспетчер-дьуһуурунай…
Дьокуускай куоракка тымныы күннэр сатыылаан турар кэмнэригэр сылаас тохтобуллар олус суолталаах буоллулар. Ол курдук, маннык…
Булуҥ улууһугар сүппүт үһүс киһини буллулар диэн Булуҥнааҕы ЕДДС иһитиннэрэр диэн СӨ Быыһыыр сулууспата суруйар.…
Оҕо иммунитетын бөҕөргөтөөрү араас сыаналаах йогуртары талабыт. Күөх экрааҥҥа көстөр араас сыаналаах йогуртар хаһааныллар болдьохторо…