Быйыл 144 км кэриҥэ суол өрөмүөннэниэҕэ

Ил Дархан Айсен Николаев тутууну сүрүннээһиҥҥэ уонна суол хаһаайыстыбатын эбийиэктэрин саҥардан-тупсаран оҥорууга суһал ыстаап мунньаҕын ыытта.

“Олох-дьаһах инфраструктурата” национальнай бырайыакка киирэр суол тутаах бырайыактарын көрдүбүт. Өрөспүүбүлүкэҕэ үс индикаторнай эбийиэк олоххо киирэр. Бу “Умнас” эрэгийиэннээҕи массыына суолун 20+000 – км 28+000 км  учаастагар саҥардыы, “Абалаах” массыына суолун 108 км – Туора Күөл массыына суолун учаастагын саҥардан оҥоруу уонна “Уус Кэмпэндээйи” суол 31 км Улахан Харыйалаах үрэҕи туоратар муостаны саҥардан оҥоруу. Ону тэҥэ атын эбийиэктэри тутуу ыытыллар, олор истэригэр Өлүөнэни туоратар муоста.

Быйыл  144 км кэриҥэ массыына суолун тупсарыахпыт. Дьокуускайга 14,1 км суол өрөмүөннэниэҕэ. Бары эбийиэктэри болдьоҕун тутуһуохха диэн сорудахтаатым», — диэн Айсен Николаев телеграм-ханаалыгар суруйда.