Хаартыска: sakha.gov.ru ылылынна
Саха сирин ытыктабыллаах олохтоохторо! Эһигини ис сүрэхпиттэн Булчут күнүнэн эҕэрдэлиибин!
Бу ураты суолталаах күн. Саха сиригэр Булчут күнэ бэрт кылгас кэм иһигэр айылҕаны харыстыыр, таптыыр уонна дьону-сэргэни түмэр ураты бэлиэ күнүнэн буолла. Норуот биһирээбит бырааһынньыга булка-алка сиэрдээхтик сыһыаннаһарга, айылҕаны харыстыырга, бастыҥ үгэстэри тутуһарга, сайыннарарга туһуланар.
Өрөспүүбүлүкэҕэ үгэс быһыытынан “Байанай” диэн булчуттар күөн күрэстэрэ, эрэгийиэҥҥэ булт хаһаайыстыбатын тирээн турар суолталаах боппуруостарыгар анаммыт научнай-практическай кэмпириэнсийэлэр тиһиктээхтик ыытыллаллар.
Бу бэлиэ күн үйэлэри уҥуордаан салҕанан кэлбит булт үгэһигэр, сиэригэр-туомугар сүгүрүйүүнү, ытыктабылы көрдөрөр. Бу бастатан туран, көлүөнэттэн көлүөнэҕэ харыстабыллаахтык бэриллибит үгэс уонна дириҥ билии-көрүү. Оҕо эрдэхтэн бултуурга үөрэнэн, миккиллэн, уһаарыллан, уолаттар булт тэрилин үчүгэйдик билэр, сатаан туттар буола такайыллан, тайҕа, хайа, туундара тыйыс усулуобуйатыгар бултуурга үөрүйэхтэнэн тахсаллар.
Өбүгэ саҕаттан итинник үөрүйэх чиҥник бэриллибит буолан, Саха сирин буойуттара уруккуттан хорсун-хоодуот, эр санаалаах, барытын сатыыр, кыайа-хото тутар саллааттар буолалларынан биллэллэр. Аҕа дойду уотаах сэриитин сылларыгар биһиги булчуттарбыт бастыҥ снайпердарынан буолбуттара, онтон байыаннай дьайыы кэмигэр байыастарбыт биир бастыҥнарынан ааҕылыннылар. Саха сириттэн элбэх булчут байыастары өйөөн, сааларын туттардылар. Саха быһаҕа, булчут эрэллээх аргыһа, хорсун быһыы бэлиэтинэн буолла.
Өрөспүүбүлүкэҕэ булка-алка сыһыаннаах саҥа быраабылалар оҥоһуллаллар. Саха сирин булчуттара уопсастыбаннай үлэнэн көхтөөхтүк дьарыктаналлар. Кыылга-сүөлгэ, көтөргө-сүүрэргэ аһыыр сирдэри оҥороллор, кыһыҥҥы кэмҥэ ойуурга кыыл-сүөл кэлэн аһыырыгар табыгастаах буоларын курдук анаан бэлэмнииллэр.
Күндү доҕоттор, ситиһиини, олоххутугар дьолу баҕарабын! Баай Барыылаах Байанайгыт мичик гыннын!
СӨ Ил Дархана А.С. Николаев
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…
Дьокуускайга Бүлүүлүүр суолга баар сыбаалка билигин да умайа турар. Уоту умуруорар үлэ ыытыллар диэн киин…
Бүгүн Дьокуускай куоракка Опера уонна балет тыйаатырын дьиэтигэр өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III…
Дьокуускай олохтооҕо дьахтар наркотигынан эргинэн 17 сылга көҥүлэ быһыллар буолла диэн СӨ борокуратуурата иһитиннэрэр. Суут…