Ил Дархан Айсен Николаев быһа эпиирэ саҕаланна

Ил Дархан Айсен Николаев быһа эпииригэр өрөспүүбүлүкэ олохтоохторуттан 900-тэн тахса ыйытыы киирдэ диэн ЦУР иһитиннэрэр.

«Олохтоохтору суол, тырааныспар, ОДьКХ, энергетика, олорор дьиэ боппуруостара долгуталлар. Ыйытыылар бүтүн өрөспүүбүлүкэттэн, хас биирдии улуустан киирдилэр. Дьокуускай олохтоохторо ордук көхтөөхтөр», — диэн ЦУР салайааччыта Василий Десяткин этэр.

Быһа эпиир «Саха» НКИХ, «Якутия 24», «Россия 24» ханаалларга көстүөҕэ, «Тэтим», «Радио России», «Виктория Саха», «СТВ-радио» араадьыйаларга иһиллиэҕэ, Ил Дархан социальнай ситимнэригэр көстүөҕэ.

Ыйытыылары 8 (4112) 506-006 нүөмэргэ эрийэн биэриэххэ сөп. Итиэннэ @voprosGlaveYakutii_bot телеграм-бот нөҥүө эмиэ туталлар.

Быһа эпиир кэмигэр ыйытыылары 8(4112) 32-01-11 нүөмэргэ эрийэн биэриэххэ сөп диэн СӨ Ил Дарханын уонна Бырабыыталыстыбатын дьаһалтатын пресс-сулууспата иһитиннэрэр.