Ил Дархан Айсен Николаев быһа эпииргэ тахсыаҕа

Муус устар 26 күнүгэр 19.00 чаастан Ил Дархан Айсен Николаев быһа эпииргэ тахсыаҕа.

Быһа эпииргэ Ил Дархан олохтоохтор ыйытыыларыгар хоруйдуоҕа, өрөспүүбүлүкэҕэ дьоһун суолталаах тиэмэлэри ырытыаҕа, Саха сирин сайдыытыгар стратегическай хайысхаларга бэйэтин санаатын үллэстиэҕэ.

Быһа эпиир “Саха” НКИХ, «Якутия 24», «Россия 24» ханаалларга көстүөҕэ, «Тэтим», «Радио России», «Виктория Саха», «СТВ-радио» араадьыйаларга иһиллиэҕэ, итиэннэ социальнай ситимнэргэ тэҥинэн көстүөҕэ.

Ыйытыыларгытын www.100yakutia.ru/zadai-vopros-glave саайтка уонна “Телеграм” социальнай ситимҥэ  @voprosGlaveYakutii_bot чат-ботка ыытыаххытын сөп.

Ил Дархан, бырабыыталыстыба дьаһалтатын пресс-сулууспата.