Андрей Сорокин хаартыската, СИА.
Бүгүн, муус устар 27 күнүгэр, Саха Өрөспүүбүлүкэтин баһылыга Айсен Николаев биллэр судаарыстыбаннай диэйэтэл уонна өрөспүүбүлүкэни төрүттээччилэртэн биирдэстэрэ Былатыан Ойуунускай пааматынньыгар сибэкки дьөрбөтүн уурда.
«Бүгүн биһиги икки суолталаах даатаны бэлиэтиибит. 1922 сыллаахха Саха автономията төрүттэммитэ, онон төрүттээччилэргэ ытыктабылбыт бэлиэтин биллэрэбит. Оттон 1992 сыллаахха, 70 сыл ааспытын кэнниттэн, саҥа Арассыыйаҕа бу күн Саха Өрөспүүбүлүкэтин Төрүт сокуона күүһүгэр киирбитэ. Бастакы бэрэсидьиэммитин Михаил Николаевы саныыбыт, кини бу дьайыылары салайбыта. Бу суолталаах быһаарыныыларга олоҕуран, Саха сирэ Улуу Арассыыйаны кытта бииргэ хардыылаан иһэрин бигэргэппитэ», — диэн Айсен Николаев эттэ.
Тэрээһиҥҥэ уопсастыбаннас, салайааччылар уонна ыччат кыттыыны ыллылар.
СӨ бырабыыталыстыбатын бэрэссэдээтэлин солбуйааччы Анатолий Семенов былаас уорганнарын, уопсастыбаннаһы уонна ыччаты кытта биллэр судаарыстыбаннай уонна бэлитиичэскэй диэйэтэл Илья Винокуров пааматынньыгар сибэкки дьөрбөтүн уурда.
Бэлиэ күҥҥэ Максим Аммосов пааматынньыгар сибэкки дьөбөтүн ууруу церемонията ыытылынна. Тэрээһиҥҥэ СӨ бырабыыталыстыбатын бэрэссэдээтэлэ Кирилл Бычков кытынна. «Биһиги өрөспүүбүлүкэбитин сайыннарарга дьулуһабыт. Бүгүн, Өрөспүүбүлүкэбит күнүгэр, төрүттээбит, сайдыыны түстээбит ытык дьоммутун ахтабыт-саныыбыт», — диэн эттэ. Бу күн ХИФУ бастыҥ устудьуоннарыгар М.К.Аммосов аатынан истипиэндьийэлэри туттардылар.
СӨ Бырабыыталыстыбатын бэрэссэдээтэлин солбуйааччы Сергей Местников бөлөһүөк, саха литературатын төрүттээччи, уопсастыбаннай диэйэтэл Алексей Кулаковскай-Өксөкүлээх Өлөксөй пааматынньыгар сибэкки дьөрбөтүн уурда. Кини: «Бу күн 103 сыллааҕыта Саха сирин дьылаҕатын быһаарар историческай сабыытыйалар буолбуттара. Өрөспүүбүлүкэни төрүттээбит ытык дьоммутугар ытыктабылбытын биллэрэбит», — диэн эттэ.
Египет Александрия куоратыгар Ибрагим Мустафа аатынан көҥүл тустууга норуоттар икки ардыларынааҕы турнир ыытылынна, диэн «Дьулурҕан»…
Бырабыыталыстыба бэрэссэдээтэлин солбуйааччы – РФ Бэрэсидьиэнин Уһук Илиҥҥи федеральнай уокурукка боломуочуйалаах бэрэстэбиитэлэ Юрий Трутнев Уһук…
Саха сиринээҕи ИДьМ экэнэмиичэскэй куттал суох буолуутугар уонна коррупцияны утары охсуһар отделын үлэһиттэрэ силиэстийэлээччилэри кытта…
Дьоҕус уонна орто урбаан субъектарын ахсаана 44 тыһ. таҕыста. 2025 сыллааҕы туругунан, аччыгый уонна орто…
Дьиҥнээҕинэн туох-ханнык уларытыылар киллэриллэллэрий? Бырайыагынан СӨ Төрүт сокуонун 22-с ыстатыйатыгар өрөспүүбүлүкэҕэ босхо уонна барыларыгар тиийимтиэ…
Сотору кэлэр сыллааҕы өрөспүүбүлүкэ бүддьүөтэ ылыллаары турар. Онтон сиэттэрэн өрөспүүбүлүкэ үбүн миниистирин э.т. Иван Алексеев…