Ил Дархан Айсен Николаев быыбар түмүктэрин туһунан санаатын эттэ

Боротокуоллары 100 бырыһыан көрүү түмүгүнэн, Саха сиригэр Арассыыйа бэрэсидьиэнин быыбарыгар 452 366 быыбардааччы (71,57%) кыттыбыта билиннэ. Куолаһы барыллаан ааҕыынан Владимир Путин 87,79% ылла.

«Элбэх нациялаах норуоттаах Саха сирэ лиидэрбитин кытта бииргэбитин көрдөрдүбүт. Саха сирэ Арассыыйаҕа куруук бөҕө тирэҕинэн буолара даҕаны, буолуо даҕаны. Бүтэһик сылларга өрөспүүбүлүкэҕэ барар сайдыы барыта Владимир Владимирович өйөөһүнүнэн ыытыллар», — диэн Айсен Николаев телеграм-ханаалыгар суруйда.