Хаартыска: СИА.
Тохсунньу 31 күнүгэр Ил Дархан Айсен Николаев тэлэбиидэнньэҕэ быһа эпииргэ тахсан, суолталаах боппуруостарга хоруйдаата. Ол курдук, ыытааччы Донецкай Өрөспүүбүлүкэтин Докучаевскайыгар көмө туһунан ыйыппытыгар, сиһилии кэпсээтэ.
— Биһиги икки сыл устата ДНӨ Кировскай куоратыгар көмөлөстүбүт. Туруоруммут соруктарбытын бүүс-бүтүннүү толордубут. Онон сүбэлэһэн баран, атын куоракка — Докучаевскайга көһөн, көмөлөһөр туһунан быһаарыы ылынныбыт. Онно да элбэх үлэ күүтэр. 70-ча эбийиэги чөлүгэр түһэрэр сорук турар.
Докучаевскай фронт дьураатыттан чугас буолан, онно алдьаныы, урусхалланыы да улахан. 50-ча олорор дьиэни өрөмүөннүөхтээхпит. ДНӨ, Докучаевскай дьаһалталарын кытта сөбүлэһии түһэрсэн, Андрей Федотов салалталаах хамаанда баран, номнуо үлэлэрин саҕалаатылар. Туруоруммут соруктары дьоһуннук толоруохпут диэн эрэллээхпин.
Кировскайга социальнай бырайыактарбыт — Ай-Ти киин, офтальмологтар биригээдэлэрэ үлэлэрин салгыахтара. Бу икки сыл устата офтальмологтар хас да тыһыынча дьону көрдүлэр, эмтээтилэр, хас да сүүс эпэрээссийэни оҥорон, дьону көрөр оҥордулар. Онон олохтоохтор махталлара муҥура суох. Ай-Ти кииҥҥэ эмиэ оҕолор аныгы идэни баһылаан, төрөппүттэр үөрүүлэрэ улахан. Докучаевскайга эмиэ маннык социальнай бырайыактар үлэлиэхтэрэ дии саныыбын, — диэн Айсен Николаев эттэ.
Уһун кыһыҥҥы өрөбүллэр – үчүгэйдик сынньанар эрэ буолбакка, саҥаҕа холонон көрөргө, доруобуйаны чөлүгэр түһэрэргэ уонна…
Сунтаар сэлиэнньэтигэр биэс киһи өлбүтүнэн «икки уонна онтон элбэх киһини сэрэҕэ суохтан өлүүгэ тиэрдии» диэн…
Арассыыйаҕа бигэргэтиллибит халандаарынан, 2026 сылга биһигини 28 бырааһынньык уонна өрөбүл күннэрэ күүтэллэр. Саҥа дьыллааҕы өрөбүллэр…
2026 сыл хайдах буолуоҕун билгэһит, көрбүөччү Татьяна Захарова-Татыйык кэпсиир: — Моҕой сыла бүтэн эрэр, аны кыһыл…
Август Егоров салайааччылаах «Айар» национальнай кыһа генеральнай дириэктэрин солбуйааччы, суруйааччы, СӨ култууратын үтүөлээх үлэһитэ, СӨ…
2026 сылга төлөбүрдэри былаан быһыытынан үрдэтии бары биэнсийэлээхтэри таарыйыа. Төлөбүр кээмэйэ уонна төһө чаастатык уларыйара,…