Хаартыска: sakha.gov.ru
Саха сирин Ил Дархана Айсен Николаев «Эльгауголь» салалтатын кытта хампаанньа 2025 сыллааҕы үлэтин түмүктэрин уонна 2026 сылга былааннарын ырытта. Көрсүһүү кэмигэр хампаанньа ситиһиилэрин уонна киэҥ хабааннаах инфраструктурнай бырайыактарын туһунан отчуот билиһиннэрилиннэ.
Эльга оҥорон таһаарыы көрдөрүүлэрин бигэтик үрдэтэн иһэрин көрдөрөр. 2025 сыллаахха хампаанньа 35,1 мөл. т. таас чоҕу хостоото, бу урукку сыл көрдөрүүтүттэн 22,6%-нан элбэх. Чоҕу тиэйии уонна байытыы көрдөрүүлэрэ бигэтик үрдээн иһэллэр. Байытар фабрикалар бырайыактаммыт кыамталара 38,5 мөл. т. тэҥнэстэ. Бу курдук дааннайдар Эльгатааҕы чох комплексын 2025 сыллааҕы үлэтин-хамнаһын уонна 2026 сылга былааннарын туһунан дакылаакка киирбиттэр.
2025 сыллаахха хампаанньа Чуумпу акыйааннааҕы тимир суолун тутуутун түмүктээтэ. Магистралынан хамсааһыны РФ Бэрэсидьиэнэ Владимир Путин X Илин экэнэмиичэскэй пуорум кэмигэр аспыта. 531 км уһуннаах ураты инфраструктурнай эбийиэк Саха сиригэр баар Эльгатааҕы чох баайдаах сири Хабаровскай кыраайга Охотскай муора кытылыгар турар муоратааҕы чох терминалын кытта холбоото. Тутуу болдьоҕуттан эрдэ, тыйыс климаттаах уонна логистикаҕа уустук усулуобуйаҕа ыытыллыбыта. 2025 сыл түмүгүнэн хампаанньа туһанааччыларга 26 мөл. т. чоҕу тиэйэн ыытта, ол иһигэр 7 мөл. т. – Чуумпу акыйааннааҕы тимир суолунан.
2026 сылга хампаанньа транспортнай-логистическай кыахтарын сайыннарыы салҕаныаҕa. Тимир суол инфраструктуратын таһынан, Хабаровскай кыраайга Манорскай тумулга муоратааҕы чох терминалын тэрийэр бырайыак үрдүк бэлэмнээх туруктаах. Терминал бырайыактаммыт кыамтата – сылга 30 мөл. т. чох. Чоҕу тимир суолтан причалларга диэри быстыспаттык тиэйэргэ анаан магистральнай конвейер линията тутулунна. Терминал инфраструктурата 100 тыһ. т. диэри дэдвейтээх Panamax кылаастаах суудуналары ылар кыахтаах 4 таһаҕас тиэйэр причалы киллэрэр.
«Эльгауголь» салалтата, бэйэтин уочаратыгар, өрөспүүбүлүкэ салалтатыгар куруук көмөлөһөрүн иһин махтанан, инникитин сайдыы туһугар таһаарыылаах партнерствоҕа эрэлин биллэрдэ.
Сиһилии: https://www.sakha.gov.ru/news/20292
Хас күн аайы хаһаайкалар "киэһэ тугу буһарабын?" диэн толкуйдууллар. Күннээҕи астан киһи түргэнник хал буолар.…
Нерюнгрига киһини өлөрбүт уонна өлөрө сатаабыт дьахтар сууттанна. Сууттанааччы дьахтар аймахтарын кулуттааһыҥҥа атыылаан эрэллэр дии…
Олунньу ый биир тымныы киэһэтэ Саха тыйаатырыгар олус ичигэс, истиҥ эйгэнэн уонна чаҕылхай талаанынан угуттанна.…
Ааспыт сууккаҕа Саха сиригэр 4 буруйу оҥоруу буолбутун туһунан СӨ Борокуратуурата иһитиннэрэр. Чульман бөһүөлэгин олохтооҕо…
Дьокуускайга, олунньу 4 күнүнээҕи дааннайдарынан, ОРВИ ыарыыттан 29 кылаас харантыыҥҥа барда. Бу туһунан Үөрэх управлениетын…
Бэҕэһээ, олунньу 4 күнүгэр, Дьокуускайга "Чолбон" бассейнҥа 64 саастаах дьахтар суорума суолланна. "Суһал көмө" биригээдэтэ…